Gopichand: యాక్షన్‌ బుల్లెట్‌

‘‘జనరల్‌గా నేనెవడి మీద చెయ్యెత్తను. నా తండ్రి మీద ఎవడైనా చెయ్యి వేస్తే విరిచేదాక వదిలి పెట్టను’’ అంటున్నారు గోపీచంద్‌. ఆయన హీరోగా ప్రముఖ దర్శకుడు బి.గోపాల్‌ తెరకెక్కించిన చిత్రం ‘ఆరడుగుల బుల్లెట్‌’. తాండ్ర రమేష్‌ నిర్మించారు. నయనతార కథానాయిక. అక్టోబరు 8న విడుదలవుతోంది. ఈ నేపథ్యంలోనే సోమవారం చిత్ర ట్రైలర్‌ను విడుదల చేశారు. ‘‘పేరు శివ.. పుట్టింది బెజవాడ.. పెరిగింది హైదరాబాద్‌. పరిచయమైతే నేను మర్చిపోను. పంగా అయితే నువ్వు మర్చిపోలేవు’’ అంటూ గోపీచంద్‌ చెప్పే సంభాషణలతో ట్రైలర్‌ను ఆసక్తికరంగా ప్రారంభించారు. ఏ లక్ష్యం లేకుండా ఖాళీగా తిరుగుతూ తండ్రితో తిట్లు తినే కుర్రాడిగా ప్రచార చిత్రంలో ఆయన పాత్రని చూపించారు. ఇలాంటి కుర్రాడు తన తండ్రికి ఓ ప్రతినాయకుడి నుంచి ఆపద ఎదురైతే ఏం చేశాడు? అతని నుంచి తన తండ్రిని, కుటుంబాన్ని ఎలా కాపాడుకున్నాడన్నది ట్రైలర్‌లో చూపించారు. ఈ ప్రచార చిత్రాన్ని బట్టి యాక్షన్‌కు పెద్ద పీట వేసినట్లు అర్థమవుతోంది.

► Read latest Movies News and Telugu News

► Follow us on Facebook, Twitter, Instagram, Koo, ShareChat and Google News.

Tags :

గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సు సాంకేతికతతో పంపబడతాయి. ఏ ప్రకటనని అయినా పాఠకులు తగినంత జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.