Adavallu Miku Joharlu: టైటిల్‌ పాటతో.. ఆడవాళ్లకు జోహార్లు

శర్వానంద్‌, రష్మిక జంటగా నటిస్తున్న ఫ్యామిలీ ఎంటర్‌టైనర్‌ ‘ఆడవాళ్లు మీకు జోహార్లు’. తిరుమల కిషోర్‌ తెరకెక్కిస్తున్నారు. సుధాకర్‌ చెరుకూరి నిర్మాత. ఖుష్బూ, రాధిక శరత్‌ కుమార్‌, ఊర్వశీ కీలక పాత్రలు పోషిస్తున్నారు. ఈ సినిమా ఫిబ్రవరి 25న ప్రేక్షకుల ముందుకు రానుంది. ఈ నేపథ్యంలోనే ప్రచార కార్యక్రమాల్ని వేగవంతం చేస్తోంది చిత్ర బృందం. ఇప్పుడిందులో భాగంగా ఈనెల 4న సాయంత్రం  4:05 గంటలకు చిత్ర టైటిల్‌ గీతాన్ని విడుదల చేయనున్నారు. ఈ విషయాన్ని చిత్ర బృందం మంగళవారం అధికారికంగా ప్రకటించింది. ఈ సందర్భంగా శర్వా కొత్త లుక్‌ను అభిమానులతో పంచుకుంది. ఆ పోస్టర్‌లో స్టైలిష్‌ లుక్‌లో చిరునవ్వులు చిందిస్తూ కనిపించారు. ‘‘టైటిల్‌కు తగ్గట్లుగానే మహిళా ప్రాధాన్యమున్న కథాంశంతో ఫీల్‌ గుడ్‌ మూవీలా రూపొందిస్తున్నాం. ఒక్క పాట మినహా చిత్రీకరణ పూర్తయింది. నిర్మాణాంతర పనులు శరవేగంగా జరుగుతున్నాయి’’ అని చిత్ర వర్గాలు తెలిపాయి. సంగీతం: దేవిశ్రీప్రసాద్‌, ఛాయాగ్రహణం: సుజిత్‌ సారంగ్‌.