Romantic: ఒక వారం ముందే!

ఆకాష్‌ పూరి కథానాయకుడిగా తెరకెక్కిన ‘రొమాంటిక్‌’ అక్టోబర్‌ 29న ప్రేక్షకుల ముందుకు రాబోతోంది. మొదట ఈ చిత్రాన్ని నవంబర్‌ 4న విడుదల చేయాలనుకున్నారు. కానీ తాజాగా నిర్ణయం మారింది. దాంతో వారం ముందుగానే ప్రేక్షకుల ముందుకొస్తోంది. ఛార్మితో కలిసి పూరి జగన్నాథ్‌  నిర్మిస్తున్న ఈ చిత్రానికి ఆయనే కథ, మాటలు, స్క్రీన్‌ప్లేని సమకూర్చారు. అనిల్‌ పాదూరి దర్శకుడు. ఆకాష్‌కి జోడీగా కేతికాశర్మ నటించింది. ‘‘ఇప్పటివరకు మూడు పాటల్ని విడుదల చేశాం. చక్కటి స్పందన లభించింది. చిత్రం కూడా ప్రేక్షకుల్ని అలరిస్తుంద’’ని సినీ వర్గాలు తెలిపాయి. రమ్యకృష్ణ,  మకరంద్‌ దేశ్‌పాండే, ఉత్తేజ్‌ తదితరులు నటించారు.