సీత వచ్చేసింది.. క్లైమాక్స్‌ మొదలైంది..!

సినీ ప్రేమికులు ఎంతో ఆసక్తిగా ఎదురుచూస్తున్న భారీ చిత్రాల్లో ‘ఆర్‌ఆర్‌ఆర్‌’ ఒకటి అయితే.. ‘కేజీఎఫ్‌ -2’ మరొకటి. ప్రస్తుతం ఈ రెండు సినిమాలు శరవేగంగా చిత్రీకరణ జరుపుకుంటున్నాయి. ఈ చిత్రాలకు సంబంధించిన సరికొత్త అప్‌డేట్స్‌...

Updated : 07 Dec 2020 16:31 IST

ఫొటోలు షేర్ చేసిన ‘ఆర్‌ఆర్‌ఆర్‌’, ‘కేజీఎఫ్‌’

హైదరాబాద్‌: సినీ ప్రేమికులు ఎంతో ఆసక్తిగా ఎదురుచూస్తున్న భారీ చిత్రాల్లో ‘ఆర్‌ఆర్‌ఆర్‌’ ఒకటి అయితే.. ‘కేజీఎఫ్‌ -2’ మరొకటి. ప్రస్తుతం ఈ రెండు సినిమాలు శరవేగంగా చిత్రీకరణ జరుపుకుంటున్నాయి. ఈ చిత్రాలకు సంబంధించిన సరికొత్త అప్‌డేట్స్‌ ఇప్పుడు ప్రేక్షకుల్ని ఆకర్షిస్తున్నాయి.

జక్కన్నతో సీత..

రామ్‌చరణ్‌-తారక్‌ ప్రధాన పాత్రలో నటిస్తున్న భారీ బడ్జెట్‌ చిత్రం ‘ఆర్‌ఆర్‌ఆర్‌’. రాజమౌళి దర్శకత్వం వహిస్తున్న ఈ సినిమాలో అల్లూరి సీతారామరాజుగా చెర్రీ.. కొమురం భీమ్‌గా తారక్‌ కనిపించనున్నారు. ఇందులో చరణ్‌ సరసన సీతగా బాలీవుడ్ భామ ఆలియాభట్‌ సందడి చేయనున్న విషయం తెలిసిందే. ఇటీవల మహాబలేశ్వర్‌లో షెడ్యూల్‌ పూర్తి చేసుకున్న ఈ సినిమా తాజా షెడ్యూల్‌లో సోమవారం ఆలియాభట్‌ పాల్గొన్నారు. చిత్రీకరణ సమయంలో జక్కన్నతో ఆలియా సంభాషిస్తున్న ఓ ఫొటోని ‘ఆర్‌ఆర్‌ఆర్‌’ టీమ్‌ సోషల్‌మీడియా వేదిగా అభిమానులతో పంచుకుంది.  కొన్నిరోజులపాటు ఆలియాభట్‌కు సంబంధించిన సన్నివేశాలను చిత్రీకరించనున్నారు.

క్లైమాక్స్‌ మొదలైంది..

కన్నడ నటుడు యశ్‌, డైరెక్టర్‌ ప్రశాంత్‌ నీల్‌ కాంబినేషన్‌లో తెరకెక్కుతున్న పాన్‌ ఇండియన్‌ మూవీ ‘కేజీఎఫ్‌ ఛాప్టర్‌2’. 2018లో విడుదలైన ‘కేజీఎఫ్‌’కి కొనసాగింపుగా ఈ సినిమా రానుంది. బాలీవుడ్‌ నటుడు సంజయ్‌దత్‌ ఇందులో ప్రతినాయకుడిగా అధీర పాత్రలో కనిపించనున్నారు. తాజాగా ‘కేజీఎఫ్‌2’ క్లైమాక్స్‌ చిత్రీకరణ ప్రారంభమైంది. ఈ విషయాన్ని తెలియజేస్తూ ప్రశాంత్‌ నీల్‌ ఓ ట్వీట్‌ పెట్టారు. ‘ఇక ఇది క్లైమాక్స్‌..!! రాఖీ వర్సెస్‌ అధీర. అంబ్రివ్‌.. ఎంతో క్లిష్టమైన ఫైట్‌ సన్నివేశాల్ని డైరెక్ట్‌ చేస్తున్నారు.’ అని ప్రశాంత్ పేర్కొన్నారు.

ఇదీ చదవండి

ఫొటోగ్రాఫర్‌ను ఆటపట్టించిన ఎన్టీఆర్‌

ఎన్టీఆర్‌ ‘కొమురం భీమ్‌’ రికార్డుల వేట

Read latest Movies News and Telugu News

Follow us on Facebook, Twitter, Instagram & Google News.

Tags :

గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.


మరిన్ని

ap-districts
ts-districts

ఎక్కువ మంది చదివినవి (Most Read)

మరిన్ని