రివ్యూ: నిశ్శబ్దం
మహిళా ప్రాధాన్యం ఉన్న కథలంటే ప్రస్తుతం దర్శక, నిర్మాతలకు గుర్తొచ్చే పేరు అనుష్క. ఆమె కథానాయికగా నటిస్తోందంటే తప్పకుండా ఆ సినిమాపై ఆసక్తి నెలకొంటుంది. అలా
చిత్రం: నిశ్శబ్దం
నటీనటులు: అనుష్క, మాధవన్, అంజలి, మైఖేల్ మాడిసన్, షాలినీ పాండే, సుబ్బరాజు, శ్రీనివాస్ అవసరాల
సంగీతం: గోపీ సుందర్
నేపథ్య సంగీతం: గిరీష్
సినిమాటోగ్రఫీ: షెనెల్ డియో
ఎడిటింగ్: ప్రవీణ్ పూడి
నిర్మాత: కోన వెంకట్, టి.జి, విశ్వప్రసాద్
కథ, దర్శకత్వం: హేమంత్ మధుకర్
విడుదల: అమెజాన్ ప్రైమ్
మహిళా ప్రాధాన్యం ఉన్న కథలంటే ప్రస్తుతం దర్శక, నిర్మాతలకు గుర్తొచ్చే పేరు అనుష్క. ఆమె కథానాయికగా నటిస్తోందంటే తప్పకుండా ఆ సినిమాపై ఆసక్తి నెలకొంటుంది. అలా హేమంత్ మధుకర్ దర్శకత్వంలో అనుష్క కీలక పాత్రలో నటించిన చిత్రమే ‘నిశ్శబ్దం’. పైగా అనుష్క దివ్యాంగురాలి(మూగ/చెవిటి)గా నటించడంతో సినిమాపై మరింత ఆసక్తి నెలకొంది. వేసవి కానుకగా థియేటర్లలో ప్రేక్షకుల ముందుకు రావాల్సిన ఈ చిత్రం కరోనా వైరస్, లాక్డౌన్ కారణంగా వాయిదా పడింది. తాజాగా అమెజాన్ ప్రైమ్ వేదికగా విడుదలైంది. మరి అనుష్క కీలక పాత్రలో నటించిన ‘నిశ్శబ్దం’ ఎలా ఉంది? ఆమె కెరీర్లో మరో గుర్తుండిపోయే చిత్రం అయ్యిందా? మాధవన్, అంజలి, షాలినీ పాండేలతో పాటు హాలీవుడ్ నటుడు మైఖేల్ మాడిసన్ పాత్రలేంటి?
కథేంటంటే: అమెరికాలోని సియాటెల్కు 70 కి.మీ దూరంలో ఉన్న వుడ్సైడ్ విల్లాలో ఓ జంట హత్యకు గురవుతుంది. ఈ కేసును పోలీసులు ఛేదించలేకపోతారు. ఆ ఇంటి యజమాని ఆత్మ వారిని చంపేసిందంటూ ప్రచారం జరుగుతుంది. అప్పటి నుంచి ఆ విల్లాను ఎవరూ కొనుగోలు చేయడానికి ముందుకు రారు. అయితే, 2019లో ఆ విల్లాను కొలంబియన్ బిజినెస్మెన్ కొనుగోలు చేస్తాడు. సాక్షి(అనుష్క) అనాథ. అద్భుతంగా పెయింటింగ్లు వేయగలదు. ఓ ఆర్ట్ గ్యాలరీలో ఆమె గీసిన పెయింటింగ్లు చూసి, ప్రఖ్యాత సంగీతకారుడైన ఆంటోనీ(మాధవన్) ముచ్చటపడతాడు. అప్పుడు మొదలైన సాక్షి, ఆంటోనీల పరిచయం ప్రేమగా మారుతుంది. వుడ్సైడ్ విల్లాలో ఉన్న ఓ అరుదైన పెయింటింగ్ను గీయడానికి సాక్షి, ఆంటోని కలిసి వెళ్తారు. కొద్దిసేపటికే ఆంటోని హత్యకు గురవుతాడు? సాక్షి మాత్రం ప్రాణాలతో బయపడుతుంది. ఇంతకీ ఆ హత్య చేసింది ఎవరు? పోలీస్ ఆఫీసర్ అయిన రిచర్డ్(మైఖేల్ మాడిసన్), క్రైమ్ డిటెక్టివ్ మహాలక్ష్మి(అంజలి)తో కలిసి ఎలా ఛేదించారు. ఈ హత్యకూ సోనాలి(షాలినీ పాండే), వివేక్(సుబ్బరాజు)లకు ఉన్న సంబంధం ఏంటి? తెలియాలంటే సినిమా చూడాల్సిందే!
ఎలా ఉందంటే: ఇటీవల కాలంలో క్రైమ్ థ్రిల్లర్ కథలను ప్రేక్షకులు విశేషంగా ఆదరిస్తున్నారు. ఒక హత్య, లేదా వరుస హత్యలు జరగడం, ఆ హత్యల వెనుక ఉన్న వ్యక్తిని పట్టుకునేందుకు కథానాయకుడు/నాయిక రంగంలోకి దిగడం ఇలాంటి నేపథ్యంతో ఇప్పటికే అనేక సినిమాలు వచ్చాయి.. వస్తున్నాయి. అనుష్క కీలక పాత్రలో నటించిన ‘నిశ్శబ్దం’ కూడా ఆ కోవకు చెందిందే. అయితే, ఆ హత్యలను ఛేదించే క్రమాన్ని ఎంత ఉత్కంఠగా, ప్రేక్షకుడిని మునివేళ్లపై నిలబెట్టేలా తీర్చిదిద్దాడన్న దానిపై సినిమా విజయం ఆధారపడి ఉంటుంది. ఈ విషయంలో దర్శకుడు హేమంత్ మధుకర్ కాస్త తడబడ్డాడు. కథ ప్రారంభమైన కొద్దిసేపటికే ఆంటోని హత్యతో చిక్కుముడి వేసేశాడు దర్శకుడు. ఇక చేయాల్సిందల్లా ఆ కేసును ఛేదించడమే. ఇందులో భాగంగానే రిచర్డ్, మహా పాత్రలు రంగంలోకి దిగి విచారణ మొదలుపెడతాయి. సాక్షిని విచారించే పేరుతో నడిచే ఆయా సన్నివేశాలన్నీ కాస్త సాగదీతగా అనిపిస్తాయి. అయితే, కథ ముందుకు వెళ్లే కొద్దీ నెమ్మదిగా ఉత్కంఠ పెరుగుతుంది. అన్ని పాత్రలపైనా అనుమానం కలిగించే ప్రయత్నమూ చేశాడు దర్శకుడు.
అప్పటివరకూ ఆ హత్యను ఎవరెవరు చేసి ఉంటారని ఊహిస్తున్న ప్రేక్షకుడు.. విరామ సమయానికొచ్చే సరికి ఒక వ్యక్తి దగ్గర ఆగిపోతాడు. అయితే, ఆ వ్యక్తి ఆంటోనిని ఎందుకు హత్య చేశాడన్న కోణంతో కథ మలుపు తిరుగుతుంది. డిటెక్టివ్ మహాలక్ష్మి పాత్ర కూడా హత్య కేసును ఛేదించడానికి అతడిని అనుసరిస్తుంది. ఈ క్రమంలో ఆమెకు ఆసక్తికర విషయాలు తెలుస్తాయి. ఆ కోణం విచారణ మొదలు పెట్టిన తర్వాత మళ్లీ సోనాలి ఫ్లాష్బ్యాక్ తెరపైకి వస్తుంది. సోనాలి కేరక్టరైజేషన్ గురించి వచ్చే సన్నివేశాలు మళ్లీ సాగదీతగా అనిపిస్తాయి. అయితే, కొద్దిసేపటికే క్లైమాక్స్కు వచ్చేశాడు దర్శకుడు. సోనాలితో సహా సియాటెల్లో ఉన్న పలువురు అమ్మాయిలు హత్యకు గురి కావడం వెనుక కారణం తెలిసిన తర్వాత తప్పకుండా 2004లో యువతను విశేషంగా అలరించిన ఓ డబ్బింగ్ సినిమా గుర్తుకు వస్తుంది. ‘ఈ ప్రపంచంలో ప్రతి మనిషికి ఒక కథ ఉంటుంది. ప్రతి కథలో క్రైమ్ ఉంటుంది. కొన్ని బయటపడుతుంటాయి. కొన్ని కాలం లోతుల్లోకి జారిపోతుంటాయి. కానీ, క్రైమ్ చేసిన ప్రతి ఒక్కరూ నేరస్థులు కాదు’ అంటూ సినిమా ప్రారంభంలో అంజలి వాయిస్తో అసలు కథేంటో చెప్పకనే చెప్పేశాడు దర్శకుడు.
ఎవరెలా చేశారంటే: ‘నిశ్శబ్దం’లో అనుష్క నటిస్తుందనగానే ఈ సినిమా క్రేజీ ప్రాజెక్టు అయింది. దివ్యాంగురాలి పాత్రలో అనుష్క నటన మెప్పిస్తుంది. సైగలు, హావభావాలు పలికించడంలో ఆమె తీసుకున్న శిక్షణ తెరపైన కనపడుతుంది. సంగీత కళాకారుడు ఆంటోనిగా మాధవన్ చక్కగా నటించారు. అదే సమయంలో ఆయనలోని వైవిధ్య నటనను కూడా తెరపై చూపించారు. ద్వితీయార్ధంలో ఆయన వైవిధ్య నటన మెప్పిస్తుంది. తెలుగు సినిమాల్లో ప్రతినాయకుడికి డబ్బింగ్ చెప్పే వ్యక్తితో మాధవన్కు డబ్బింగ్ చెప్పించారు. ఆ వాయిస్ మాధవన్ గొంతు నుంచి వినడం తొలుత కాస్త కొత్తగా అనిపించినా, ఆ పాత్రకు ఆ వాయిస్ సరైనదేనని క్లైమాక్స్కు వచ్చేసరికి అర్థమవుతుంది. కేసు ఛేదించే డిటెక్టివ్గా అంజలి నటన పర్వాలేదు. రిచర్డ్ పాత్రలో హాలీవుడ్ నటుడు మైఖేల్ మాడిసన్ను తీసుకోవడం సినిమాకు అదనపు ఆకర్షణే తప్ప ఆ పాత్ర వల్ల అదనపు ప్రయోజనం అయితే లేదు. సుబ్బరాజు, షాలిని పాండే, శ్రీని అవసరాల తమ పాత్రల పరిధి మేరకు నటించారు.
గోపీ సుందర్ అందించిన రెండు పాటలు బాగున్నాయి. సిధ్ శ్రీరామ్ ఆలపించిన ‘నిన్నే నిన్నే’ యువతను విశేషంగా ఆకట్టుకుంటుంది. గిరీష్ నేపథ్య సంగీతం బాగుంది. షెనెల్ డియో సినిమాటోగ్రఫీ చక్కగా కుదిరింది. క్రైమ్ థ్రిల్లర్ను మరింత ఉత్కంఠగా చూపించారు. ప్రవీణ్ పూడి ఎడిటింగ్ బాగుంది. సినిమా నిడివి 2గంటలు మాత్రమే. దర్శకుడు హేమంత్ మధుకర్ ఎంచుకున్న పాయింట్ కొత్తదేమీ కాదు. అయితే, కథనం చాలా నెమ్మదిగా సాగడంతో ప్రేక్షకుడు కాస్త అసహనానికి గురవుతాడు. క్రైమ్ థ్రిల్లర్ చిత్రాలంటే కథనం ఉత్కంఠతో ఊపేయాలి. అలాంటిదేమీ కనిపించదు. విచారణ పేరుతో ప్రథమార్ధంలో వచ్చే సన్నివేశాలు సాగదీతగా అనిపిస్తాయి. నిర్మాణ విలువలు బాగున్నాయి.
బలాలు | బలహీనతలు |
+ అనుష్క, మాధవన్ల నటన | - ప్రథమార్ధంలో కొన్ని సన్నివేశాలు |
+ ద్వితీయార్ధం | - నెమ్మదిగా సాగే కథనం |
+ సాంకేతిక విభాగం పనితీరు |
చివరిగా: క్రైమ్ థ్రిల్లర్ ఇష్టపడేవారు ‘నిశ్శబ్దం’గా చూస్తారు!
గమనిక: ఈ సమీక్ష సమీక్షకుడి దృష్టి కోణానికి సంబంధించింది. ఇది సమీక్షకుడి వ్యక్తిగత అభిప్రాయం మాత్రమే!
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
-
రివ్యూ: సైరెన్.. జయం రవి, కీర్తి సురేశ్ యాక్షన్ థ్రిల్లర్ ఎలా ఉంది?
siren movie review: జయం రవి కథానాయకుడిగా ఆంటోనీ భాగ్యరాజా దర్శకత్వంలో వచ్చిన ‘సైరెన్’ మూవీ తెలుగులో మెప్పించిందా? -
రివ్యూ: పారిజాత పర్వం.. క్రైమ్ కామెడీ థ్రిల్లర్ ఎలా ఉంది?
Paarijatha Parvam Review; చైతన్యరావు, సునీల్, శ్రద్ధాదాస్ కీలక పాత్రల్లో నటించిన క్రైమ్ థ్రిల్లర్ మెప్పించిందా? -
రివ్యూ: ఆట్టం.. మలయాళ సస్పెన్స్ డ్రామా ఎలా ఉంది?
వినయ్, కళాభవన్ షాజాన్, జరీన్ షిహబ్ కీలక పాత్రల్లో నటించిన ‘ఆట్టం’ ఎలా ఉంది? -
రివ్యూ: డియర్.. భార్య గురకపెట్టే కాన్సెప్ట్తో రూపొందిన ఈ మూవీ మెప్పించిందా?
DeAr Movie 2024 Review: జీవీ ప్రకాష్కుమార్, ఐశ్వర్య రాజేశ్ కీలక పాత్రల్లో నటించిన ‘డియర్’ మూవీ మెప్పించిందా? -
రివ్యూ: శ్రీ రంగనీతులు.. సుహాస్, కార్తీక్ రత్నంల కొత్త మూవీ మెప్పించిందా?
sri ranga neethulu review: తాజాగా ప్రేక్షకుల ముందుకు వచ్చిన ‘శ్రీరంగ నీతులు’ మూవీ ఎలా ఉంది? -
రివ్యూ: బడే మియా ఛోటే మియా.. అక్షయ్, టైగర్ ష్రాఫ్ నటించిన యాక్షన్ థ్రిల్లర్ ఎలా ఉంది?
అలీ అబ్బాస్ జాఫర్ దర్శకత్వంలో అక్షయ్, టైగర్ ష్రాఫ్ కీలక పాత్రల్లో నటించిన ‘బడే మియా ఛోటే మియా’ మెప్పించిందా? -
రివ్యూ: గీతాంజలి మళ్ళీ వచ్చింది.. హారర్ కామెడీ థ్రిల్లర్ ఎలా ఉంది?
అంజలి కీలక పాత్రలో నటించిన హారర్ కామెడీ థ్రిల్లర్ ‘గీతాంజలి మళ్ళీ వచ్చింది’ ప్రేక్షకులను మెప్పించిందా? -
రివ్యూ: లవ్గురు.. విజయ్ ఆంటోనీ మూవీ ఎలా ఉంది?
Love Guru Review: విజయ్ ఆంటోని, మృణాళిని రవి కీలక పాత్రల్లో నటించిన న్యూఏజ్ ఫ్యామిలీడ్రామా మెప్పించిందా? -
రివ్యూ: మైదాన్.. అజయ్ దేవ్గణ్ కీలక పాత్రలో నటించిన స్పోర్ట్స్ డ్రామా మెప్పించిందా?
భారత ఫుట్బాల్ కోచ్ అబ్దుల్ సయ్యద్ రహీం జీవిత చరిత్ర ఆధారంగా రూపొందిన ‘మైదాన్’ మూవీ ఎలా ఉంది? -
రివ్యూ: ప్రాజెక్ట్-Z.. సందీప్ కిషన్, లావణ్య త్రిపాఠి సైన్స్ ఫిక్షన్ థ్రిల్లర్ ఎలా ఉంది?
Project Z Movie Review: ఏడేళ్ల కిందట తమిళంలో విడుదలై తాజాగా తెలుగు ప్రేక్షకుల ముందుకు వచ్చిన ‘ప్రాజెక్ట్-Z’ ప్రేక్షకులను మెప్పించిందా? -
రివ్యూ: మంజుమ్మల్ బాయ్స్.. మలయాళ సూపర్హిట్ తెలుగులో ఎలా ఉంది?
మలయాళంలో రూ.200 కోట్లకు పైగా వసూళ్లు సాధించి రికార్డు సృష్టించిన ‘మంజుమ్మల్ బాయ్స్’ మూవీ తెలుగు ప్రేక్షకులకు నచ్చుతుందా? -
రివ్యూ: ఫ్యామిలీస్టార్.. విజయ్ దేవరకొండ ఖాతాలో హిట్ పడిందా?
Family Star Review: విజయ్ దేవరకొండ, మృణాళ్ ఠాకూర్ కీలక పాత్రల్లో నటించిన ‘ఫ్యామిలీస్టార్’ ఎలా ఉందంటే? -
రివ్యూ: టిల్లు స్క్వేర్.. సిద్ధు, అనుపమ జోడీ మేజిక్ చేసిందా?
Tillu Square Review: సిద్ధు జొన్నలగడ్డ, అనుపమ పరమేశ్వర్ జంటగా నటించిన రొమాంటిక్ క్రైమ్ కామెడీ మెప్పించిందా? -
రివ్యూ: ఆడుజీవితం: ది గోట్లైఫ్.. పృథ్వీరాజ్ సుకుమారన్ సర్వైవల్ థ్రిల్లర్ ఎలా ఉంది?
మలయాళ నటుడు పృథ్వీరాజ్ సుకుమారన్, అమలాపాల్ కీలకపాత్రల్లో బ్లెస్సీ తీసిన ‘ఆడు జీవితం’ తెలుగు ప్రేక్షకులను మెప్పించిందా? -
Om Bhim Bush Review; రివ్యూ: ఓం భీమ్ బుష్.. కామెడీ ఎంటర్టైనర్ అలరించిందా?
om bhim bush review: శ్రీ విష్ణు, ప్రియదర్శి, రాహుల్ రామకృష్ణ కీలక పాత్రల్లో నటించిన ‘ఓం భీమ్ బుష్’ ఎలా ఉందంటే? -
ThulasiVanam Review: రివ్యూ: తులసీవనం: మిడిల్క్లాస్ కుర్రాడి బయోపిక్
ఓటీటీ ‘ఈటీవీ విన్’లో విడుదలైన ‘తులసీవనం’ వెబ్సిరీస్ ఎలా ఉందంటే? -
Abraham Ozler review: రివ్యూ: అబ్రహాం ఓజ్లర్.. మలయాళ క్రైమ్ థ్రిల్లర్ ఎలా ఉంది?
Abraham Ozler review: జయరామ్, మమ్ముట్టి కీలక పాత్రల్లో నటించిన ‘అబ్రహాం ఓజ్లర్’ ఎలా ఉందంటే? -
Save The Tigers 2 Review: రివ్యూ: సేవ్ ది టైగర్స్ సీజన్ 2.. నవ్వులు రిపీట్ అయ్యాయా?
ప్రియదర్శి, అభినవ్ గోమఠం, చైతన్య కృష్ణ ప్రధాన పాత్రల్లో నటించిన వెబ్సిరీస్ ‘సేవ్ ది టైగర్స్ 2’. ఓటీటీ ‘డిస్నీ+ హాట్స్టార్’లో విడుదలైన ఈ సిరీస్ ఎలా ఉందంటే? -
Sharathulu Varthisthai Review: రివ్యూ: షరతులు వర్తిస్తాయి.. సినిమా ఎలా ఉందంటే?
Sharathulu Varthisthai Review: చైతన్యరావు కీలక పాత్రలో నటించిన ‘షరతులు వర్తిస్తాయి’ మూవీ మెప్పించిందా? -
Yodha Review: రివ్యూ: యోధ.. యాక్షన్ థ్రిల్లర్ మెప్పించిందా?
సిద్ధార్థ్ మల్హోత్రా, రాశీఖన్నా నటించిన యాక్షన్ థ్రిల్లర్ ప్రేక్షకులను అలరించిందా..? -
Razakar Movie Review: రివ్యూ: రజాకార్.. బాబీ సింహా, అనసూయ నటించిన మూవీ ఎలా ఉంది?
Razakar Movie Review: తెలంగాణ సాయుధ పోరాటం నేపథ్యంలో రూపొందిన ‘రజాకార్’ ఎలా ఉందంటే?
తాజా వార్తలు (Latest News)
-
‘విక్రమార్కుడు’, ‘బజరంగీ భాయిజాన్’ సీక్వెల్స్ అప్డేట్.. ఎంతవరకు వచ్చాయంటే!
-
సుప్రీం లీడర్ పుట్టిన రోజే ఇరాన్పై దాడులు.. అమెరికాకు చివరి క్షణంలో తెలిసిందట!
-
ఎన్నికల కోడ్ ఉల్లంఘనపై షర్మిలకు ఈసీ నోటీసులు
-
కావ్య బాధ.. శారీలో లావణ్య, మౌనీరాయ్
-
విప్రో క్యూ4 ఫలితాలు.. లాభంలో 8 శాతం క్షీణత
-
ఎర్రకోటపై కాంగ్రెస్ జెండా ఎగరడం పక్కా: సీఎం రేవంత్రెడ్డి