రివ్యూ: అశ్వథ్థామ
నాగశౌర్య చేసిన తొలి థ్రిల్లర్ చిత్రం ‘అశ్వథ్థామ’. ఈ కథని రాసింది కూడా ఆయనే. సొంత కథ, సొంత నిర్మాణ సంస్థ, తొలి థ్రిల్లర్ చిత్రం.. ఇలా చాలా ప్రత్యేకతలతో కూడిన ఈ సినిమాపై నాగశౌర్య చాలా ఆశలే పెట్టుకున్నారు. గత చిత్రం ‘నర్తనశాల’ పరాజయం చవిచూడటంతో, ఈసారి విజయం కోసం..
నటీనటులు: నాగశౌర్య, మెహరీన్, సత్య, పోసాని కృష్ణమురళి, ప్రిన్స్, జిషు సేన్ గుప్తా, హరీష్ ఉత్తమన్, కాశీ విశ్వనాథ్, సర్గున్ కౌర్ తదితరులు.
ఛాయాగ్రహణం: మనోజ్ రెడ్డి
సంగీతం: శ్రీచరణ్ పాకాల
నేపథ్య సంగీతం: జిబ్రాన్
సంభాషణలు: పరుశురాం శ్రీనివాస్
కథ: నాగశౌర్య
నిర్మాత: ఉషా ముల్పూరి
దర్శకత్వం: రమణ తేజ
సంస్థ: ఐరా క్రియేషన్స్
విడుదల: 31 జనవరి 2020
నాగశౌర్య చేసిన తొలి థ్రిల్లర్ చిత్రం ‘అశ్వథ్థామ’. ఈ కథని రాసింది కూడా ఆయనే. సొంత కథ, సొంత నిర్మాణ సంస్థ, తొలి థ్రిల్లర్ చిత్రం.. ఇలా చాలా ప్రత్యేకతలతో కూడిన ఈ సినిమాపై నాగశౌర్య చాలా ఆశలే పెట్టుకున్నారు. గత చిత్రం ‘నర్తనశాల’ పరాజయం చవిచూడటంతో, ఈసారి విజయం కోసం సొంత కథనే నమ్ముకున్నారు. ప్రచార చిత్రాలు సినిమాపై ఆసక్తిని రేకెత్తించాయి. మరి ఈ సినిమా ఎలా ఉంది? నాగశౌర్యకి విజయం అందినట్టేనా? తెలుసుకునే ముందు ఈ చిత్రం కథేంటో చూద్దాం..
కథేంటంటే?: గణ (నాగశౌర్య)కి తన చెల్లెలు ప్రియ (సర్గున్ కౌర్) అంటే ప్రాణం. చెల్లెలి నిశ్చితార్థం కోసమని అమెరికా నుంచి వస్తాడు. ఇళ్లంతా ఆనందోత్సాహాల మధ్యనున్న ఆ సమయంలోనే ప్రియ ఆత్మహత్యకు ప్రయత్నిస్తుంది. కారణమేంటని ఆరా తీస్తే తాను గర్భవతినని చెబుతుంది. అలాగని ఆమెకి ప్రేమ వ్యవహారాలేమీ ఉండవు. మరి ప్రియ ఎలా గర్భవతి అయ్యింది? ఈ విషయాన్నే ఆరా తీస్తున్న క్రమంలో మరో అమ్మాయి ప్రియలాంటి కారణంతోనే చనిపోతుంది. దాంతో ఏం జరుగుతోందో తెలుసుకోవాలని, దీని వెనక కారకులెవరో పసిగట్టాలని రంగంలోకి దిగుతాడు గణ. ఈ క్రమంలో ఎలాంటి అతడికి విషయాలు తెలిశాయి? నేరస్థుల్ని గణ ఎలా మట్టుబెట్టాడు? తదితర విషయాల్ని తెరపై చూడాల్సిందే!
ఎలా ఉందంటే?: నేర నేపథ్యంతో తెరకెక్కిన థ్రిల్లర్ చిత్రమిది. ఒళ్లు గగుర్పొడిచే చీకటి కోణం, అంతుచిక్కని రీతిలో వ్యవహరించే పాత్రలు, అడుగడుగునా మలుపులతో ఆద్యంతం ఆసక్తికరంగా సాగుతుంది. అయితే ఇందులో సైకో పాత్ర చేసే హంగామా మాత్రం సగటు ప్రేక్షకుడికి ఒక పట్టాన మింగుడుపడదు. దాన్ని భరిస్తే మాత్రం ఈ సినిమాతో మంచి థ్రిల్ని ఆస్వాదించొచ్చు. ట్రైలర్లో వినిపించినట్టుగానే.. ఎటు వెళ్లినా మూసుకుపోతున్న దారులు.. ఒకరితో ఒకరికి సంబంధం లేని వ్యక్తులు.. వేట కుక్కలాగా వెంటపడే జాలర్లు.. శకుని లాంటి ఒక పాత్ర.. వీళ్లందర్నీ ఒకేస్టేజ్ మీద ఆడిస్తున్న అసలు సూత్రధారి చుట్టూనే ఈ సినిమా సాగుతుంది. ఆ సూత్రధారి కోసం కథానాయకుడు చేసే పరిశోధన, అతన్ని వెంటాడే తీరు మెప్పిస్తుంది. ఆరంభంలో కుటుంబ నేపథ్యం ఆకట్టుకుంటుంది. అన్నాచెల్లెళ్ల మధ్య బంధాన్ని చక్కగా ఆవిష్కరిస్తుంది.
ఎప్పుడైతే కథానాయకుడు పరిశోధన మొదలుపెడతాడో అప్పట్నుంచి కథ మరో మలుపు తీసుకుంటుంది. ఇన్వెస్టిగేషన్ థ్రిల్లర్గా మారిపోతుంది. తన చెల్లెలి వెంటపడ్డారనే కారణంతో, వాళ్లే ఇందుకు కారకులని భావిస్తూ కథానాయకుడు ఆరంభంలో చేసే హంగామా, అక్కడ యాక్షన్ ఘట్టాలు కాస్త శ్రుతిమించినట్టుగా అనిపిస్తాయి. ఆ తర్వాత కథానాయకుడు ఒకొక్క ఆధారాన్ని వెతుక్కుంటూ సూత్రధారిని కనుక్కునే తీరు మాత్రం మెప్పిస్తుంది. అంబులెన్స్ల్ని ఛేజ్ చేసే సన్నివేశాలు ఆకట్టుకుంటాయి. ప్రథమార్థం వరకు సినిమా మంచి టెంపోతో సాగుతుంది. ద్వితీయార్థంలోనే కొన్ని లోపాలు కనిపిస్తాయి. అసలు సూత్రధారి అయిన సైకో చేసే హంగామా, ఆ నేపథ్యంలో వచ్చే హింసాత్మక సన్నివేశాలు గగుర్పాటుకి గురిచేసినా.. అతని కోసం కథానాయకుడు కొనసాగించే వేట మెప్పిస్తుంది. సైకో ఫ్లాష్బ్యాక్ కూడా థ్రిల్ని పంచుతుంది. వంద మంది రాక్షసులతో సమానమైన ప్రతినాయకుడిని పతాక సన్నివేశాల్లో కథానాయకుడు సులభంగా అంతం చేయడంతో పతాక సన్నివేశాలు మరీ సాదాసీదాగా ముగిసినట్టు అనిపిస్తాయి. థ్రిల్లర్ సినిమాల్ని ఇష్టపడే ప్రేక్షకుల్ని మెప్పించే చిత్రమిది.
ఎవరెలా చేశారంటే: లవర్ బాయ్ పాత్రలతో మెరిసిన నాగశౌర్య ఈసారి భిన్నంగా ప్రయత్నించాడు. యాక్షన్ ఘట్టాల్లోనూ, భావోద్వేగాలు పండించడంలోనూ మంచి పనితీరును కనబరిచాడు. కథా రచయితగానూ ఆయన విజయవంతమయ్యారు. ఆద్యంతం ఆసక్తిని రేకెత్తించేలా ఈ కథని అల్లిన విధానం మెచ్చుకోతగ్గదే. సైకోగా ప్రతినాయకుడి పాత్రలో జిసుసేన్ గుప్తా కనిపిస్తాడు. ఆయన పాత్రలో ఒదిగిపోయారు. జాలర్లని చంపే సన్నివేశంలో ఆయన నటన మెప్పిస్తుంది. నాగశౌర్య సోదరిగా నటించిన సర్గున్ కూడా మెప్పిస్తుంది. మెహరీన్ కథానాయకుడి ప్రేయసిగా కనిపిస్తుంది. ఆమె పాత్ర పరిధి పరిమితమే. ప్రిన్స్, పోసాని, సత్య తదితరులు పాత్రల పరిధి మేరకు నటించారు. సాంకేతికంగా కొన్ని విభాగాలు మాత్రమే మెరిశాయి. శ్రీచరణ్ పాకాల బాణీలు, జిబ్రాన్ నేపథ్య సంగీతం ఫర్వాలేదనిపిస్తుంది. దర్శకుడి పనితనం కొన్ని సన్నివేశాల్లో మాత్రమే కనిపిస్తుంది. యాక్షన్ ఘట్టాలు, నిర్మాణంలో నాణ్యత మెచ్చుకోదగ్గ స్థాయిలో ఉన్నాయి.
బలాలు | బలహీనతలు |
+ కథ | - ద్వితీయార్థంలో కొన్ని సన్నివేశాలు |
+ నాగశౌర్య నటన | |
+ యాక్షన్ ఘట్టాలు |
చివరిగా: హింస ఎక్కువైనా ‘అశ్వథ్థామ’ థ్రిల్ని పంచుతాడు
గమనిక: ఇది సమీక్ష సమీక్షకుడి దృష్టికోణానికి సంబంధించింది. ఇది కేవలం సమీక్షకుడి వ్యక్తిగత అభిప్రాయం మాత్రమే..!!
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
-
రివ్యూ: ఆట్టం.. మలయాళ సస్పెన్స్ డ్రామా ఎలా ఉంది?
వినయ్, కళాభవన్ షాజాన్, జరీన్ షిహబ్ కీలక పాత్రల్లో నటించిన ‘ఆట్టం’ ఎలా ఉంది? -
రివ్యూ: డియర్.. భార్య గురకపెట్టే కాన్సెప్ట్తో రూపొందిన ఈ మూవీ మెప్పించిందా?
DeAr Movie 2024 Review: జీవీ ప్రకాష్కుమార్, ఐశ్వర్య రాజేశ్ కీలక పాత్రల్లో నటించిన ‘డియర్’ మూవీ మెప్పించిందా? -
రివ్యూ: శ్రీ రంగనీతులు.. సుహాస్, కార్తీక్ రత్నంల కొత్త మూవీ మెప్పించిందా?
sri ranga neethulu review: తాజాగా ప్రేక్షకుల ముందుకు వచ్చిన ‘శ్రీరంగ నీతులు’ మూవీ ఎలా ఉంది? -
రివ్యూ: బడే మియా ఛోటే మియా.. అక్షయ్, టైగర్ ష్రాఫ్ నటించిన యాక్షన్ థ్రిల్లర్ ఎలా ఉంది?
అలీ అబ్బాస్ జాఫర్ దర్శకత్వంలో అక్షయ్, టైగర్ ష్రాఫ్ కీలక పాత్రల్లో నటించిన ‘బడే మియా ఛోటే మియా’ మెప్పించిందా? -
రివ్యూ: గీతాంజలి మళ్ళీ వచ్చింది.. హారర్ కామెడీ థ్రిల్లర్ ఎలా ఉంది?
అంజలి కీలక పాత్రలో నటించిన హారర్ కామెడీ థ్రిల్లర్ ‘గీతాంజలి మళ్ళీ వచ్చింది’ ప్రేక్షకులను మెప్పించిందా? -
రివ్యూ: లవ్గురు.. విజయ్ ఆంటోనీ మూవీ ఎలా ఉంది?
Love Guru Review: విజయ్ ఆంటోని, మృణాళిని రవి కీలక పాత్రల్లో నటించిన న్యూఏజ్ ఫ్యామిలీడ్రామా మెప్పించిందా? -
రివ్యూ: మైదాన్.. అజయ్ దేవ్గణ్ కీలక పాత్రలో నటించిన స్పోర్ట్స్ డ్రామా మెప్పించిందా?
భారత ఫుట్బాల్ కోచ్ అబ్దుల్ సయ్యద్ రహీం జీవిత చరిత్ర ఆధారంగా రూపొందిన ‘మైదాన్’ మూవీ ఎలా ఉంది? -
రివ్యూ: ప్రాజెక్ట్-Z.. సందీప్ కిషన్, లావణ్య త్రిపాఠి సైన్స్ ఫిక్షన్ థ్రిల్లర్ ఎలా ఉంది?
Project Z Movie Review: ఏడేళ్ల కిందట తమిళంలో విడుదలై తాజాగా తెలుగు ప్రేక్షకుల ముందుకు వచ్చిన ‘ప్రాజెక్ట్-Z’ ప్రేక్షకులను మెప్పించిందా? -
రివ్యూ: మంజుమ్మల్ బాయ్స్.. మలయాళ సూపర్హిట్ తెలుగులో ఎలా ఉంది?
మలయాళంలో రూ.200 కోట్లకు పైగా వసూళ్లు సాధించి రికార్డు సృష్టించిన ‘మంజుమ్మల్ బాయ్స్’ మూవీ తెలుగు ప్రేక్షకులకు నచ్చుతుందా? -
రివ్యూ: ఫ్యామిలీస్టార్.. విజయ్ దేవరకొండ ఖాతాలో హిట్ పడిందా?
Family Star Review: విజయ్ దేవరకొండ, మృణాళ్ ఠాకూర్ కీలక పాత్రల్లో నటించిన ‘ఫ్యామిలీస్టార్’ ఎలా ఉందంటే? -
రివ్యూ: టిల్లు స్క్వేర్.. సిద్ధు, అనుపమ జోడీ మేజిక్ చేసిందా?
Tillu Square Review: సిద్ధు జొన్నలగడ్డ, అనుపమ పరమేశ్వర్ జంటగా నటించిన రొమాంటిక్ క్రైమ్ కామెడీ మెప్పించిందా? -
రివ్యూ: ఆడుజీవితం: ది గోట్లైఫ్.. పృథ్వీరాజ్ సుకుమారన్ సర్వైవల్ థ్రిల్లర్ ఎలా ఉంది?
మలయాళ నటుడు పృథ్వీరాజ్ సుకుమారన్, అమలాపాల్ కీలకపాత్రల్లో బ్లెస్సీ తీసిన ‘ఆడు జీవితం’ తెలుగు ప్రేక్షకులను మెప్పించిందా? -
Om Bhim Bush Review; రివ్యూ: ఓం భీమ్ బుష్.. కామెడీ ఎంటర్టైనర్ అలరించిందా?
om bhim bush review: శ్రీ విష్ణు, ప్రియదర్శి, రాహుల్ రామకృష్ణ కీలక పాత్రల్లో నటించిన ‘ఓం భీమ్ బుష్’ ఎలా ఉందంటే? -
ThulasiVanam Review: రివ్యూ: తులసీవనం: మిడిల్క్లాస్ కుర్రాడి బయోపిక్
ఓటీటీ ‘ఈటీవీ విన్’లో విడుదలైన ‘తులసీవనం’ వెబ్సిరీస్ ఎలా ఉందంటే? -
Abraham Ozler review: రివ్యూ: అబ్రహాం ఓజ్లర్.. మలయాళ క్రైమ్ థ్రిల్లర్ ఎలా ఉంది?
Abraham Ozler review: జయరామ్, మమ్ముట్టి కీలక పాత్రల్లో నటించిన ‘అబ్రహాం ఓజ్లర్’ ఎలా ఉందంటే? -
Save The Tigers 2 Review: రివ్యూ: సేవ్ ది టైగర్స్ సీజన్ 2.. నవ్వులు రిపీట్ అయ్యాయా?
ప్రియదర్శి, అభినవ్ గోమఠం, చైతన్య కృష్ణ ప్రధాన పాత్రల్లో నటించిన వెబ్సిరీస్ ‘సేవ్ ది టైగర్స్ 2’. ఓటీటీ ‘డిస్నీ+ హాట్స్టార్’లో విడుదలైన ఈ సిరీస్ ఎలా ఉందంటే? -
Sharathulu Varthisthai Review: రివ్యూ: షరతులు వర్తిస్తాయి.. సినిమా ఎలా ఉందంటే?
Sharathulu Varthisthai Review: చైతన్యరావు కీలక పాత్రలో నటించిన ‘షరతులు వర్తిస్తాయి’ మూవీ మెప్పించిందా? -
Yodha Review: రివ్యూ: యోధ.. యాక్షన్ థ్రిల్లర్ మెప్పించిందా?
సిద్ధార్థ్ మల్హోత్రా, రాశీఖన్నా నటించిన యాక్షన్ థ్రిల్లర్ ప్రేక్షకులను అలరించిందా..? -
Razakar Movie Review: రివ్యూ: రజాకార్.. బాబీ సింహా, అనసూయ నటించిన మూవీ ఎలా ఉంది?
Razakar Movie Review: తెలంగాణ సాయుధ పోరాటం నేపథ్యంలో రూపొందిన ‘రజాకార్’ ఎలా ఉందంటే? -
Merry Christmas review: రివ్యూ: మెర్రీ క్రిస్మస్.. విజయ్ సేతుపతి, కత్రినా కైఫ్ నటించిన చిత్రం ఎలా ఉందంటే?
విజయ్ సేతుపతి, కత్రినా కైఫ్ ప్రధాన పాత్రల్లో నటించిన చిత్రం ‘మెర్రీ క్రిస్మస్’. ఓటీటీ ‘నెట్ఫ్లిక్స్’లో స్ట్రీమింగ్ అవుతోంది. ఎలా ఉందంటే? -
Anweshippin Kandethum Review: రివ్యూ: అన్వేషిప్పిన్ కండెతుమ్.. మలయాళ బ్లాక్బస్టర్ ఎలా ఉంది?
Anweshippin Kandethum Review: టొవినో థామస్ కీలకపాత్రలో నటించిన పోలీస్ ప్రొసీడల్ డ్రామా మెప్పించిందా?
తాజా వార్తలు (Latest News)
-
వీలైతే ఒకసారి వీళ్లపై తీసిన సినిమాలు చూడండి: పూరి జగన్నాథ్
-
గూగుల్ మ్యాప్స్లో మరో కొత్త ఫీచర్.. ఈవీ స్టేషన్లు వెతకడం ఇక సులువే!
-
స్వీపర్ తనయుడు.. సివిల్స్లో సత్తా చాటాడు
-
40 గంటల బ్యాటరీ లైఫ్తో నథింగ్ నుంచి 2 కొత్త ఇయర్బడ్స్
-
కాలేజీ క్యాంపస్లో ఘోరం.. కార్పొరేటర్ కుమార్తె దారుణ హత్య
-
అమ్మ చనిపోయారు.. నేను పోటీ చేయలేను: ‘హిమాచల్’ డిప్యూటీ సీఎం కుమార్తె