ట్విటర్‌ నుంచి వైదొలగిన బ్రహ్మాజీ..!

ఆ ట్వీట్‌ తర్వాత ఏమై ఉంటుంది

హైదరాబాద్‌: నటుడు బ్రహ్మాజీ తాజాగా ట్విటర్‌ నుంచి వైదొలగినట్లు తెలుస్తోంది. ట్విటర్‌లో ఆయన అకౌంట్‌ కోసం సెర్చ్ చేస్తే ఆ పేరుతో ఖాతా లేనట్లు చూపిస్తోంది. గత కొన్నిరోజుల నుంచి హైదరాబాద్‌లో కురుస్తున్న వర్షాల కారణంగా తన ఇంట్లోకి వరదనీరు చేరిందని పేర్కొంటూ ఇటీవల ఆయన ట్వీట్‌ చేశారు.

 ‘మోటర్‌ బోట్‌ కొనాలనుకుంటున్నా.. ఏది బాగుంటుందో సలహా ఇవ్వండి’ అంటూ ఆయన చేసిన ఓ ట్వీట్‌ పలు విమర్శలకు దారి తీసింది. వర్షాల కారణంగా అందరూ ఇబ్బందులు పడుతుంటే వ్యంగ్యంగా ట్వీట్లు చేస్తారా? అని పేర్కొంటూ ఆయన్ను నెటిజన్లు ప్రశ్నించారు. ఈ క్రమంలోనే ఆయన.. తన ట్విటర్‌ ఖాతాని డియాక్టివేట్‌ చేసినట్లు నెట్టింట్లో వార్తలు చక్కర్లు కొడుతున్నాయి. మరోవైపు ఆయన 2011లో ట్విటర్‌ వేదికగా అభిమానులకు చేరువయ్యారు.