‘కలర్‌ ఫొటో’ రిలీజ్‌లో మార్పులు..!

హైదరాబాద్‌: ‘నాలా నల్లగా ఉన్నవాడు మీలాంటి అందమైన అమ్మాయిని ప్రేమిస్తే పక్కనున్న ఫ్రెండ్సే ఎగతాళి చేస్తారు. ఒకడు బ్లాక్‌ అండ్‌ వైట్‌ అంటాడు. ఒకడు గులాబ్ ‌జామ్‌ రసగుళ్ల అంటాడు. ఒకడేమో ఆశకి హద్దుండాలి..  క్షమించండి అమ్మాయిల ముందు బూతులు మాట్లాడితే బాగోదు’ అని అంటున్నారు సుహాస్‌. ఆయన ప్రధాన పాత్రలో తెరకెక్కిన చిత్రం ‘కలర్ ‌ఫొటో’. సందీప్‌ రాజ్‌ దర్శకత్వం వహించిన ఈ సినిమాలో సునీల్‌ కీలకపాత్ర పోషించారు. అయితే ఈ సినిమాని ‘ఆహా’ వేదికగా  అక్టోబర్‌ 8న విడుదల చేయాలని మొదట భావించినప్పటికీ కొన్ని కారణాల వల్ల విడుదల తేదీలో మార్పలు చేశారు. ఈ మేరకు అక్టోబర్‌ 23న ఈ సినిమా ప్రేక్షకుల ముందుకు రానుంది.