Dasvi: జైలు నుంచే పదోతరగతి పరీక్షలకు...

అతడో ఖైదీ. పేరు గంగారామ్‌. జైలులో ఉంటూనే పదోతరగతి పరీక్షలకు సిద్ధమవుతున్నాడు. ఈ విషయాన్ని తోటి ఖైదీలతో గర్వంగా చెబుతున్నాడు. పైగా జైలులో ఉండి పదోతరగతి పరీక్షలు రాయడం హక్కు అంటున్నాడు. మరి ఆ కథేంటో తెలియాలంటే ‘దస్వీ’ చిత్రం చూడాల్సిందే. అభిషేక్‌ బచ్చన్‌ ప్రధాన పాత్రలో నటించిన చిత్రమిది. సోమవారం ఈ సినిమాకు సంబంధించిన టీజర్‌ను ట్విటర్‌ ద్వారా పంచుకున్నారు అభిషేక్‌. తుషార్‌ జలోట దర్శకత్వం వహిస్తున్న ఈ చిత్రాన్ని జియో స్టూడియోస్‌తో కలిసి దినేష్‌ విజన్‌ నిర్మిస్తున్నారు. యామి గౌతమ్‌, నిమ్రత్‌ కౌర్‌ కీలక పాత్రల్లో నటించిన ఈ చిత్రాన్ని జియో సినిమా, నెట్‌ఫ్లిక్స్‌ ద్వారా ఏప్రిల్‌ 7న ప్రేక్షకుల ముందుకు తీసుకురానున్నారు.