Dhanush: వరుసగా ఓటీటీలో మూడో చిత్రం

తమిళ కథానాయకుడు ధనుష్‌ నటించిన తాజా చిత్రం ‘మారన్‌’. మాళవిక మోహన్‌ కథానాయిక. సముద్రఖని ముఖ్యపాత్ర పోషించారు. యాక్షన్‌ నేపథ్యంలో రూపొందిన ఈ సినిమాకు కార్తిక్‌ నరేన్‌ దర్శకుడు. ఇందులో ధనుష్‌ జర్నలిస్ట్‌గా కనిపించనున్నారు. సత్యజ్యోతి ఫిల్మ్స్‌ నిర్మించిన ఈ చిత్రాన్ని తెలుగు, తమిళం, హిందీ తదితర భాషల్లో ఓటీటీ వేదిక ద్వారా విడుదల చేస్తున్నట్లు ఇటీవలే ప్రకటించారు. అయితే తేదీ చెప్పలేదు. శుక్రవారం నుంచే ఈ చిత్రాన్ని డిస్నీ-హాట్‌స్టార్‌లో ప్రదర్శనకు ఉంచారు. ఇప్పటికే ధనుష్‌  నటించిన తమిళ సినిమాలు ‘జగమేతిందిరమ్‌’, బాలీవుడ్‌ చిత్రం ‘అత్రంగి రే’ ... వరుసగా ఓటీటీలో ప్రదర్శితమయ్యాయి. ధనుష్‌ నటించిన హాలీవుడ్‌ ఫిల్మ్‌ ‘ది గ్రే మ్యాన్‌’నూ ఓటీటీలోనే విడుదల చేయనున్నట్లు తెలుస్తోంది.