మా ఇద్దరి జీవితాల నుంచే.. ‘మిడిల్ క్లాస్ మెలోడీస్’
‘ప్రేక్షకుల్ని ఎంటర్టైన్ చెయ్యాలనో, డబ్బులు సంపాదించాలనో.. సినిమాలు చెయ్యడం కంటే నిజాయితీగా ఓ మంచి కథ చెప్పాలని చేసే చిత్రాలే అందరికీ చేరువవుతాయని నమ్ముతా. అలాంటి మంచి కథలు చెప్పడమంటే నాకిష్టమ’’న్నారు వినోద్ అనంతోజు. ‘మిడిల్ క్లాస్ మెలోడీస్’ చిత్రంతో తెలుగు తెరపై మెరిసిన....
‘ప్రేక్షకుల్ని ఎంటర్టైన్ చెయ్యాలనో, డబ్బులు సంపాదించాలనో.. సినిమాలు చెయ్యడం కంటే నిజాయితీగా ఓ మంచి కథ చెప్పాలని చేసే చిత్రాలే అందరికీ చేరువవుతాయని నమ్ముతా. అలాంటి మంచి కథలు చెప్పడమంటే నాకిష్టమ’’న్నారు వినోద్ అనంతోజు. ‘మిడిల్ క్లాస్ మెలోడీస్’ చిత్రంతో తెలుగు తెరపై మెరిసిన కొత్త దర్శకుడాయన. ఆనంద్ దేవరకొండ కథానాయకుడిగా నటించిన చిత్రమిది. వర్ష బొల్లమ్మ నాయిక. ఇటీవలే అమెజాన్ ప్రైమ్ ద్వారా ప్రేక్షకుల ముందుకొచ్చింది. ఈ నేపథ్యంలో ‘ఈనాడు సినిమా’తో ప్రత్యేకంగా ముచ్చటించారు వినోద్.
‘‘సినిమాలు చూసి సినిమాలు తియ్యాలనుకోలేదెప్పుడూ. పుస్తకాలు చదివి, కథలు బాగా చెప్పాలన్న కోరికతోనే సినిమాలు తీద్దామనుకున్నా. నేను పుట్టి పెరిగిందంతా గుంటూరులోనే. అక్కడే ఇంజినీరింగ్ చదివా. నాన్న విశాలాంధ్ర బుక్హౌస్లో పనిచేసేవారు. ఇంటి నిండా చాలా పుస్తకాలు ఉండేవి. అవన్నీ చదవడం చిన్నప్పటి నుంచీ అలవాటయ్యి.. మంచి కథలు చెప్పాలన్న కోరిక పుట్టింది. ఇందుకు సినిమానే మంచి వేదిక అనిపించి.. ఇటు వైపు వచ్చా. ఈ క్రమంలోనే చదువుకుంటూ, ఉద్యోగం చేసుకుంటూ కొన్ని లఘు చిత్రాలు చేశా. తర్వాత పూర్తిగా సినిమాలపైనే దృష్టి పెట్టాలన్న ఉద్దేశంతో మూడేళ్ల క్రితం సాఫ్ట్వేర్ ఉద్యోగం మానేసి ఇటు వైపు వచ్చేశా.
మా జీవితాల్లో చూసిన కథలే..
‘‘ఈ చిత్ర కథను నేను, మరో రచయిత జనార్థన పసుమర్తి కలిసి తయారు చేసుకున్నాం. ఇద్దరం గుంటూరు నుంచి వచ్చిన వాళ్లమే. ఇద్దరివీ మధ్యతరగతి కుటుంబాలే. కాబట్టి మా ఇద్దరి జీవితాల్లోనూ మధ్యతరగతి మనుషులకు సంబంధించి చాలా ఆసక్తికర విషయాలున్నాయి. వాటిలో నుంచే ఈ ‘మిడిల్ క్లాస్ మెలోడీస్’ కథను రాసుకున్నాం. దీంట్లో మొత్తం మేం చూసిన సంఘటనలు.. మాకు తెలిసిన వ్యక్తుల జీవితాలే కనిపిస్తాయి. సినిమాలో హీరో బొంబాయి చెట్నీ చేస్తుంటాడు కదా.. దీనికి
రచయిత జనార్థన్ ఇంటి ఎదురుగా ఉన్న కాకా హోటల్ స్ఫూర్తి. అక్కడ బొంబాయి చెట్నీ చేస్తుంటారు. అలాగే సినిమాలో సెల్ఫోన్ షాప్లో పని చేసే అమ్మాయి పెళ్లి కథ ఉంటుంది కదా.. దానికి మా ఇంటి దగ్గర్లో ఉన్న ఓ ఫ్యామిలీ కథ స్ఫూర్తి. ఇలా మాకు పరిచయమైన అనుభవాల నుంచే కథను రాసుకున్నాం’’.
ఆనంద్ను అనుకోలేదు..
‘‘ఇది ఆనంద్ను దృష్టిలో పెట్టుకొని రాసిన కథ కాదు. ఓ కొత్త హీరోతో చెయ్యాలనుకున్నాం అంతే. కథ పూర్తయ్యాక చాలా మంది నిర్మాతలు, హీరోల చుట్టూ తిరిగాం. ఓరోజు తరుణ్ భాస్కర్కి ఈ కథ వినిపిస్తే.. ‘ఇది ఆనంద్కు బాగా సరిపోతుంది. ఒకసారి వెళ్లి వినిపించొచ్చు కదా’ అని సలహా ఇచ్చారు. అప్పటికి ఆనంద్ ‘దొరసాని’ సినిమా చిత్రీకరణలో ఉన్నాడు. తనని చూడగానే నా కథకు సరిపోతాడనిపించింది. కథ చెప్పా. అది తనకీ నచ్చింది. అలా సినిమా సెట్స్పైకి వచ్చింది. మేము చెప్పేది మధ్యతరగతి జీవితాల కథ కావడంతో సెట్స్పైకి వెళ్లడానికి ముందు దీనిపై బాగా స్టడీ చేశాం. ఈ జోనర్లో 80, 90ల్లో దర్శకులు జంధ్యాల, బాపు ఎన్నో గొప్ప చిత్రాలు చేశారు. వాళ్లందరి చిత్రాలు బాగా చూశాం. అలాగే ప్రస్తుతం ఈ జోనర్లో వస్తున్న అనేక మలయాళ చిత్రాలూ చూశాం. ఇప్పుడు చిత్రానికి దక్కుతున్న ఆదరణ చూస్తుంటే చాలా సంతోషంగా ఉంది.
నాదీ రాఘవ లాంటి జీవితమే..
‘‘సినిమాలో హీరో ఆనంద్ పాత్ర రాఘవకు.. నా నిజ జీవిత పాత్రకు చాలా దగ్గర పోలికలుంటాయి. నేను ఉద్యోగం మానేసి సినిమాల్లోకి వస్తున్నప్పుడు చాలా మంది నిరుత్సాహపరిచారు. ‘మంచి సాఫ్ట్వేర్ ఉద్యోగం వదులుకోని సినిమాల్లోకి వెళ్తున్నావు..లైఫ్ రిస్క్లో పెట్టుకుంటున్నావు, పరిశ్రమలో నీకంటూ తెలిసిన వ్యక్తులు లేరు.. ఇది వర్కవుటవ్వదు’ అని రకరకాల విమర్శలు వినిపించాయి. అయితే ఇంట్లో వాళ్లు మంచి ప్రోత్సాహమందించారు. పరిశ్రమలోకి వచ్చాక కొన్నాళ్లు డబ్బులకి ఇబ్బంది పడినా.. తిరిగి వెళ్లిపోవాలని అయితే ఎప్పుడూ అనిపించలేదు. దీనికి తోడు మూడేళ్లకే సినిమా బయటకి వచ్చింది కాబట్టి చాలా హ్యాపీ’’.
అలాంటి కథలు చెప్పాలనుంది
‘‘మనం ఎలాంటి కథ చెప్పినా.. అది ప్రేక్షకులకు కనెక్ట్ అయ్యేలా ఉండాలి. అందులో భావోద్వేగాల్ని వాళ్లు నిజంగా అనుభూతి చెందగలగాలి. నేనిలాంటి కథలు చెప్పడానికే ఇష్టపడతా. ప్రస్తుతం రెండు కథలు సిద్ధంగా ఉన్నాయి. వెబ్సిరీస్లు చేయడానికీ సిద్ధమే. ప్రస్తుతం నా దృష్టంతా సినిమాలపైనే ఉంది’’.
నా భార్య వల్లే.. నేనిక్కడి దాకా..
‘‘నాది ప్రేమ వివాహం. నా భార్య పేరు రెహనుమా. తను ముస్లిం. ఇద్దరం ఒకే కాలేజీలో చదువుకున్నాం. ప్రేమించుకుని పెళ్లి చేసుకున్నాం. ఉద్యోగం మానేసి సినిమాల్లోకి రావాలని నిర్ణయించుకున్నప్పుడు.. నా భార్య చాలా ప్రోత్సాహాన్ని అందించింది. తను ఉద్యోగం చేస్తూ ఇన్నిరోజులు కుటుంబాన్ని నడిపించింది. ఆమె అందించిన ఆ ప్రోత్సాహం వల్లే నేనీ రోజు ఈస్థాయికి చేరుకోగలిగా’’.
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
-
పుష్ప పుష్ప పుష్పరాజ్
‘పుష్ప2’ ప్రచార హంగామా ఊపందుకోనుంది. మే 1న తొలి పాటని విడుదల చేస్తున్నట్టు బుధవారం చిత్రబృందం ప్రకటించింది. ‘పుష్ప పుష్ప పుష్పరాజ్...’ అంటూ సాగే ఆ పాట ప్రోమోని విడుదల చేశారు. -
సర్దార్ 2 సన్నాహాలు
కార్తి.. పోలీసు అధికారిగా, రా ఏజెంటుగా తన నటనతో ప్రేక్షకులను ఆకట్టుకున్న చిత్రం ‘సర్దార్’. పీఎస్ మిత్రన్ తెరకెక్కించారు. దీనికి కొనసాగింపుగా ‘సర్దార్ 2’ రూపొందుతున్న సంగతి తెలిసిందే. -
రామోజీ ఫిల్మ్సిటీలో తమ్ముడు
నితిన్ కథానాయకుడిగా శ్రీ వెంకటేశ్వర క్రియేషన్స్ పతాకంపై తెరకెక్కుతున్న చిత్రం ‘తమ్ముడు’. సప్తమిగౌడ కథానాయిక. శ్రీరామ్ వేణు దర్శకత్వం వహిస్తున్నారు. దిల్ రాజు, శిరీష్ నిర్మాతలు. -
ఒక నటికి ఇంతకంటే ఏం కావాలి?
‘‘ప్రేక్షకుడికి ఒక మంచి సినిమాని ఇవ్వాలనే ఆలోచన తప్ప మిగతా ఏ రకమైన ఒత్తిడీ నాపైన ఉండదు. తెలుగు సినిమా.. నటిగా నాకు రెండో జీవితాన్నిచ్చింది. తెలుగు ప్రేక్షకులు నన్ను వాళ్ల సొంతం చేసుకున్నారు. -
గ్రామీణ ప్రేమకథ
పృథ్వీ కథానాయకుడిగా పాలిక్ శ్రీను దర్శకత్వంలో ఓ చిత్రం తెరకెక్కుతోంది. అంబిక, రూపాలి కథానాయికలు. దుర్గం రాజేశ్, రావుల రమేశ్, టి.ఎస్.రాజు సంయుక్తంగా నిర్మిస్తున్నారు. -
కనులెందుకో కలిసేనులే...
సుధీర్బాబు కథానాయకుడిగా తెరకెక్కుతున్న చిత్రం ‘హరోం హర’. ది రివోల్ట్.. అనేది ఉపశీర్షిక. మాళవిక శర్మ కథానాయిక. జ్ఞానసాగర్ ద్వారక దర్శకత్వం వహిస్తున్నారు. సుమంత్.జి నాయుడు నిర్మాత. -
ప్రేమిస్తే.. పూర్తిగా నమ్మేస్తా!
దాదాపు మూడేళ్ల విరామం తర్వాత ‘దో ఔర్ దో ప్యార్’తో ప్రేక్షకుల ముందుకొచ్చింది ఇలియానా. ‘దేవదాసు’లో భానుమతిగా తెలుగు ప్రేక్షకులకు ఎప్పుడో దగ్గరైన తను.. ఈ చిత్రంలో నటనకు మంచి మార్కులే కొట్టేసింది. -
యాక్షన్ రుచి చూపించే.. బేబీ జాన్
‘బేబీ జాన్’గా ప్రత్యర్థులకు తన యాక్షన్ రుచి చూపించేందుకు సిద్ధమవుతున్నాడు బాలీవుడ్ కథానాయకుడు వరుణ్ ధావన్. కాలీస్ దర్శకత్వంలో యాక్షన్ ఎంటర్టైనర్గా తెరకెక్కుతున్న చిత్రమే ‘బేబీ జాన్’. -
ఇది నా అదృష్టం: అమితాబ్
ప్రఖ్యాత గాయని లతా మంగేష్కర్ పేరుతో ఏర్పాటు చేసిన లతా దీనానాథ్ మంగేష్కర్ పురస్కారాన్ని బాలీవుడ్ నటుడు అమితాబ్ బచ్చన్ బుధవారం స్వీకరించారు. 2022లో మరణించిన లత జ్ఞాపకార్థం ఈ పురస్కారాన్ని ఏర్పాటు చేశారు. -
ఉత్తమ దర్శకుడు.. కరణ్ జోహార్
దర్శకనిర్మాత కరణ్జోహార్ ఈ ఏడాది మేటి దర్శకుడి పురస్కారానికి ఎంపికయ్యారు. బుధవారం దిల్లీలో.. ఆల్ ఇండియా మేనేజ్మెంట్ అసోసియేషన్ (ఏఐఎంఏ) ఆధ్వర్యంలో నిర్వహించిన తొమ్మిదో లీడర్షిప్ కాన్క్లేవ్లో భారత ఉపరాష్ట్రపతి... -
ఎన్నికల బరిలో ‘పొలిమేర’ నటి..
‘పొలిమేర’ నటి స్వతంత్ర అభ్యర్థిగా ఎన్నికల్లో పోటీ చేయనున్నారు. -
‘నో యాడ్స్..’ ఇక కేవలం సినిమాలే!: పీవీఆర్ ఐనాక్స్ నిర్ణయం
పీవీఆర్ ఐనాక్స్ సంస్థ కీలక నిర్ణయం తీసుకుంది. ‘యాడ్ ఫ్రీ’ విధానంలో సినిమాలు ప్రదర్శించనున్నట్లు తెలిపింది. -
వెరైటీ డ్రెస్సులో అదాశర్మ పోజులు.. మెహందీతో మేఘా ఆకాశ్
సినీ తారలు సోషల్ మీడియా వేదికగా అభిమానులతో పంచుకున్న విశేషాలివీ..
తాజా వార్తలు (Latest News)
-
పతి దేవుడికి గుడి కట్టింది!
-
ఐపీఎల్లో భారీ స్కోర్లు అందుకే..: శుభ్మన్ గిల్
-
ఈనాడు.నెట్లో టాప్ 10 వార్తలు @ 9 AM
-
శరీర బరువు తగ్గించే శస్త్రచికిత్సకు వెళ్లి..
-
సీఎంపై గులకరాయి వేసినా పట్టుకుంటారు... ఆయన బాబాయ్ను గొడ్డలితో నరికినా పట్టదా?
-
పులివెందులలోనూ పరదాల వీరుడే.. నేడు సీఎం జగన్ నామినేషన్