నలుగురు దర్శకులు.. 4 ప్రేమకథలు

హైదరాబాద్‌: నాలుగు విభిన్నమైన ప్రేమకథలు.. నలుగురు ప్రముఖ దర్శకులతో ఓ వైవిధ్యభరిత వెబ్‌సిరీస్‌  తెరకెక్కుతోంది. ‘కుట్టి లవ్‌స్టోరీ’ పేరుతో రూపొందుతోన్న ఈ సిరీస్‌ను వేల్స్‌ ఫిల్మ్స్‌ సంస్థ నిర్మిస్తోంది. దీనికి సంబంధించిన టీజర్‌ను చిత్ర నిర్మాణ సంస్థ విడుదల చేసింది. నాలుగు భిన్నమైన ప్రేమ కథాంశాలకు సంబంధించిన ఆసక్తికర విషయాలను టీజర్‌లో తెలియజేశారు.

ప్రముఖ  దర్శకులు గౌతమ్‌ మేనన్‌, వెంకట్‌ ప్రభు, విజయ్‌, నలన్‌ కుమారస్వామి ఈ సిరీస్‌ను తెరకెక్కిస్తున్నారు. 30నిమిషాల నిడివితో ఉండే ఒక్కో భాగాన్ని ఒక్కో దర్శకుడు రూపొందిస్తున్నారు. ప్రస్తుతం  చిత్రీకరణ దశలో ఉన్నట్లు తెలుస్తోంది. ఈ నాలుగు కథల్లో నటిస్తున్న నటీనటులెవరన్నది తెలియ    రాలేదు. ఈ సిరీస్‌ను త్వరలోనే ఓ ప్రముఖ ఓటీటీ సంస్థ ద్వారా విడుదల చేయనున్నారు.