కేటీఆర్‌కు చెక్‌ అందజేసిన నటుడు రామ్‌

హైదరాబాద్‌: భారీ వర్షాలు, వరదల కారణంగా సర్వం కోల్పోయిన భాగ్యనగర వాసులకు అండగా నిలవాలన్న ముఖ్యమంత్రి కేసీఆర్‌ పిలుపు మేరకు దాతలు ముందుకొస్తున్నారు. ఇప్పటికే పలువురు సినీ, రాజకీయ, వ్యాపార ప్రముఖులు తమవంతు బాధ్యతగా విరాళాలు ప్రకటించి దాతృత్వాన్ని చాటుకున్నారు. ఇందులో బాగంగా వరద బాధితుల సహాయార్థం యువ కథానాయకుడు రామ్‌ పోతినేని తన వంతుగా రూ.25లక్షల విరాళాన్ని సీఎం సహాయనిధికి అందజేశారు. ఈ మేరకు హైదరాబాద్‌లోని మంత్రి కేటీఆర్‌ కార్యాలయానికి స్వయంగా వెళ్లిన రామ్‌.. రూ.25లక్షల చెక్‌ను కేటీఆర్‌కు అందజేశారు. దర్శకుడు ఎన్‌.శంకర్‌ రూ.10లక్షల విరాళాన్ని కేటీఆర్‌కు అందజేశారు.