ఐటెమ్‌ సాంగ్‌లో నోరా ఫాతెహి

ముంబయి: ఇప్పటికే సిద్ధమైన చిత్రాలన్నీ ఓటీటీ బాటపడుతున్నాయి. ఇటీవలే విదేశాల్లో చిత్రీకరణ పూర్తిచేసుకున్న ‘బెల్‌ బాటమ్‌’ సినిమాను మాత్రం   థియేటర్లలోనే విడుదల చేస్తున్నారు. అక్షయ్‌కుమార్‌ కథానాయకుడిగా నటిస్తున్న ఈ చిత్రంలో ఓ ఐటెమ్‌ సాంగ్‌ ఉండనుంది.

ఈ పాటలో బాలీవుడ్‌ యువ అందాల తార నోరా ఫాతెహి నర్తించనుందని చిత్రబృందం ప్రకటించింది. ‘అక్షయ్‌తో కలిసి డ్యాన్స్‌ చేయడం కన్నా ఆనందం ఏముంటుంది?’ అని నోరా ఉప్పొంగిపోతోంది.   లక్‌నవూ సెంట్రల్‌ చిత్రంతో పేరుతెచ్చుకున్న రంజిత్‌ తివారి ‘బెల్‌  బాటమ్‌’ను తెరకెక్కిస్తున్నారు.