‘రాఖీబాయ్‌’ సామ్రాజ్యం.. ఎంట్రీ డేట్‌ ఫిక్స్‌!

‘కేజీఎఫ్‌-2’ అప్‌డేట్‌ వచ్చేసింది..!

ఇంటర్నెట్‌డెస్క్‌: భారతీయ సినీ అభిమానులు ఎంతో ఆసక్తిగా ఎదురుచూస్తున్న ‘కేజీఎఫ్‌-2’ చిత్రానికి సంబంధించిన ఆసక్తికర అప్‌డేట్‌ వచ్చేసింది. భారీ వసూళ్లను రాబట్టి.. కన్నడ చిత్రపరిశ్రమ ఖ్యాతిని మరింత పెంచిన యాక్షన్‌, పవర్‌ఫుల్‌ డ్రామా ‘కేజీఎఫ్‌’కు సీక్వెల్‌గా ఈ సినిమా తెరకెక్కుతున్న విషయం తెలిసిందే. ప్రశాంత్‌ నీల్‌-యశ్‌ కాంబోలో రానున్న ఈ సినిమా  క్లైమాక్స్‌ చిత్రీకరణ ఇటీవల పూర్తయ్యింది. దీంతో త్వరలోనే ఈ పవర్‌ఫుల్ చిత్రాన్ని ప్రేక్షకుల ముందుకు తీసుకురావాలని చిత్రబృందం భావిస్తోంది. ఈ నేపథ్యంలోనే ‘రాఖీభాయ్‌’ సామ్రాజ్యానికి సంబంధించిన టీజర్‌ను వచ్చే ఏడాది యశ్‌ పుట్టినరోజున అనగా జనవరి 8న విడుదల చేయనున్నట్లు తాజాగా చిత్రబృందం ప్రకటించింది.

యశ్‌ లుక్‌కు సంబంధించిన ఓ సరికొత్త పోస్టర్‌ను అభిమానులతో పంచుకున్న దర్శకుడు ప్రశాంత్‌ నీల్‌.. ‘‘జనవరి 8న ‘రాఖీభాయ్‌’ సామ్రాజ్యంలోకి ప్రవేశించనున్నాం. దీనిని మీ ముందుకు తీసుకురావడానికి ఓ సంవత్సర కాలం పట్టింది. కానీ మేము ఎంతో సమర్థంగా, అందర్నీ మెప్పించే విధంగా రానున్నాం. జనవరి 8న ఉదయం 10.18 గంటలకు కేజీఎఫ్‌ ఛాప్టర్‌2 టీజర్‌ విడుదల చేయనున్నాం’’ అని ప్రకటించారు. పాన్‌ ఇండియన్‌ చిత్రంగా రానున్న ఈ సినిమాలో బాలీవుడ్‌ నటుడు సంజయ్‌దత్‌ ప్రతినాయకుడిగా ‘అధీర’ పాత్రలో మెప్పించనున్నారు. ప్రకాశ్‌రాజ్‌, రావు రమేష్‌, రవీనా టాండన్‌ కీలకపాత్రల్లో కనిపించనున్నారు.

ఇవీ చదవండి

పవన్‌ కొత్త చిత్రం: అదిరే కాంబినేషన్‌!

నెగిటివ్‌ రోల్‌లో మెప్పించి.. స్టార్‌గా ఎదిగి..