Nenu Miku Baga Kavalsina Vadini: బాగా కావల్సినోడు

దర్శకుడు కోడి రామకృష్ణ కుమార్తె కోడి దివ్యదీప్తి నిర్మాతగా మారారు. కిరణ్‌ అబ్బవరం కథానాయకుడిగా ఓ చిత్రాన్ని నిర్మిస్తున్నారు. కార్తీక్‌ శంకర్‌  దర్శకుడిగా పరిచయం అవుతున్నారు. టాకీ భాగం చిత్రీకరణని పూర్తి చేసుకున్న ఆ సినిమాకి ‘నేను మీకు బాగా కావాల్సినవాడిని’ అనే పేరుని ఖరారు చేశారు. పేరుని ప్రకటించడంతోపాటు, ఫస్ట్‌ లుక్‌ని విడుదల చేశారు. ‘‘కుటుంబమంతా కలిసి చూసేలా సినిమాల్ని రూపొందించారు కోడి రామకృష్ణ. తెలుగు ప్రేక్షకులకి ఆయన బాగా కావాల్సినవాడిగా కుటుంబ సభ్యుడిగా మారిపోయారు. కిరణ్‌ అబ్బవరం మంచి చిత్రాలు చేస్తూ ప్రేక్షకులకు వేగంగా చేరువయ్యారు. ఈ చిత్ర కథ అందరికీ కనెక్ట్‌ అయ్యే భావోద్వేగాలతో కూడుకున్నది కావడంతో ‘నేను మీకు బాగా కావాల్సినవాడిని’ అనే పేరుని ఖరారు చేశాం. యువ కథానాయకుడు కిరణ్‌ అబ్బవరంని  కమర్షియల్‌ హీరోల సరసన నిలబెట్టే చిత్రమిది. మణిశర్మ వినసొంపైన సంగీతాన్ని అందించార’’ని సినీ వర్గాలు తెలిపాయి.