కోలీవుడ్‌లో సంక్రాంతి.. ఆ రెండూ ఓటీటీలోనే!

ఇంటర్నెట్‌డెస్క్‌: థియేటర్లు తెరుచుకున్నాయి. మునుపటి కోలహాలం మళ్లీ కనిపిస్తోంది. అయినప్పటికీ తమిళ హీరోలు తమ సినిమాలను ఓటీటీల్లో విడుదల చేసేందుకే ఆసక్తి చూపిస్తున్నారు. ‘తనిఒరువన్‌’, ‘బోగన్‌’, ‘కోమలి’ సినిమాలతో హిట్లు కొట్టిన జయం రవి, కాగా మరో నటుడు మాధవన్‌. రైతుల సమస్యల చుట్టూ తిరిగే కథాంశంతో జయం రవి నటించిన ‘భూమి’ చిత్రం డిస్నీ హాట్‌స్టార్‌లో సంక్రాంతి రోజున విడుదలవుతుంది.

దానికి కొన్ని రోజుల ముందే మాధవన్‌ కొత్త  సినిమా ‘మారా’ జనవరి 8న అమెజాన్‌ ప్రైమ్‌లో విడుదలవుతుంది. ఇది మలయాళంలో ఘనవిజయం సాధించిన దుల్కర్‌ సల్మాన్‌ ‘చార్లీ’కి రీమేక్‌గా తమిళంలో తెరకెక్కుతోంది. అలా ఒకప్పుడు థియేటర్లలో సంక్రాంతికి బరిలోకి దిగిన కథానాయకులు ఇప్పుడు ఓటీటీల్లో పోటీపడుతున్నారు. విజయ్‌ నటించిన ‘మాస్టర్‌’ మాత్రం థియేటర్లలోనే విడుదలకు సిద్ధమవుతోంది.