‘ఒరేయ్ బుజ్జిగా’.. వీడియో సాంగ్‌ చూశారా..!

హైదరాబాద్: రాజ్‌ తరుణ్‌, మాళవికా నాయర్‌ జంటగా నటించిన చిత్రం ‘ఒరేయ్‌ బుజ్జిగా’. విజయ్‌కుమార్‌ కొండా దర్శకత్వం వహించిన ఈ చిత్రానికి అనూప్‌ రూబెన్స్‌ సంగీతం అందించారు. ఇప్పటికే విడుదలైన ఈ సినిమాలోని పాటలు ప్రేక్షకులను అలరిస్తున్నాయి. ఈ నేపథ్యంలో ‘ఒరేయ్‌ బుజ్జిగా’ నుంచి ‘కృష్ణవేణి’, ‘ఈ మాయ పేరేమిటో’ ఫుల్‌ వీడియో సాంగ్స్‌ను చిత్రబృందం ఇటీవల విడుదల చేసింది. అయితే తాజాగా శుక్రవారం ఈ సినిమా నుంచి ‘కురిసేనా కురిసేనా’ సాంగ్‌ వీడియోను హీరో నిఖిల్‌ సోషల్‌మీడియా వేదికగా విడుదల చేశారు. అర్మాన్‌ మాలిక్‌, మేఘనా ఈ పాటను అలపించారు.

విభిన్న ప్రేమకథతో ఫుల్‌ ఎంటర్‌టైన్‌మెంట్‌ చిత్రంగా తెరకెక్కిన ఈ సినిమాకి రాధామోహన్‌ నిర్మాతగా వ్యవహరించారు. హెబ్బాపటేల్‌ ఈ సినిమాలో ఓ కీలకపాత్ర పోషించారు. ఉగాది పండుగను పురస్కరించుకుని మార్చిలో ఈ చిత్రాన్ని విడుదల చేయాలని తొలుత భావించినప్పటికీ లాక్‌డౌన్‌ కారణంగా వాయిదా పడింది. ఈ మేరకు అక్టోబర్‌ 1న ఆహా వేదికగా ‘ఒరేయ్‌ బుజ్జిగా’ ప్రేక్షకుల ముందుకు రానుంది.