ఆకట్టుకుంటోన్న ‘లూడో’ ట్రైలర్‌

ముంబయి: దేశవ్యాప్తంగా పలుచోట్ల థియేటర్లు తెరుచుకున్నప్పటికీ కరోనా కారణంగా ప్రేక్షకులు మాత్రం వాటిపై మొగ్గు చూపడం లేదు. దీంతో చాలా వరకూ సినిమాలు ఓటీటీ వేదికగానే విడుదలవుతున్నాయి. ఇప్పటికే పలు చిత్రాలు ఓటీటీ వేదికగా విడుదలై ప్రేక్షకులను అలరిస్తోన్న క్రమంలో తాజాగా మరో బాలీవుడ్‌ చిత్రం అదేబాటలో విడుదలయ్యేందుకు సిద్ధమయ్యింది.

అభిషేక్‌ బచ్చన్‌, రాజ్‌కుమార్‌ రావు, పంకజ్‌ త్రిపాఠి, ఆదిత్యా రాయ్‌ కపూర్‌ ప్రధాన పాత్రల్లో తెరకెక్కిన చిత్రం ‘లూడో’. అనురాగ్‌ బసు ఈ చిత్రానికి దర్శకత్వం వహించారు. విభిన్నమైన కథాంశంతో తెరకెక్కిన ఈ చిత్రం దీపావళి కానుకగా నవంబర్‌ 12న నెట్‌ఫ్లిక్స్‌లో విడుదల కానుంది. కాగా, తాజాగా ఈ సినిమాకి సంబంధించిన ట్రైలర్‌ను చిత్రబృందం సోషల్‌మీడియా వేదికగా విడుదల చేసింది. ఇందులో అభిషేక్‌ బచ్చన్‌తోపాటు ఇతర నటీనటుల నటన ఆకట్టుకునేలా ఉంది.