Updated : 16 Dec 2020 11:26 IST

మెగా కాంపౌండ్‌లో మరో పెళ్లి..!

బయటపెట్టిన హీరో

హైదరాబాద్‌: నిహారిక-చైతన్యల వివాహంతో ఇటీవల మెగా వారింట్లో పెళ్లి బాజాలు మోగిన విషయం తెలిసిందే. అయితే త్వరలోనే మెగా కాంపౌండ్‌ నుంచి మరో పెళ్లి కబురు రానున్నట్లు తెలుస్తోంది. ఈ విషయాన్ని చిరంజీవి మేనల్లుడు సాయిధరమ్‌ తేజ్‌ బయటపెట్టారు. వచ్చే ఏడాదిలో తమ కుటుంబంలో మరో పెళ్లి జరగవచ్చని ఆయన అన్నారు.

నిహారిక వివాహం తర్వాత సాయిధరమ్‌ తేజ్‌ పెళ్లి చేసుకోనున్నారని.. పెళ్లికుమార్తె కూడా ఫిక్స్‌ అయ్యిందని గతంలో వార్తలు వచ్చాయి. అయితే, అవన్నీ అవాస్తమని సాయిధరమ్‌ తేజ్‌ ఓ సందర్భంలో చెప్పారు కూడా. ఈ నేపథ్యంలోనే తన పెళ్లి గురించి మరోసారి తాజాగా ఆయన స్పందించారు. తనకంటే ముందు అల్లు శిరీష్‌ వివాహం జరగవచ్చన్నారు. ‘శిరీష్‌ నాకంటే పెద్ద. తను వచ్చే ఏడాదిలో పెళ్లి చేసుకుంటాడు. ఇంటి పెద్దకొడుకుగా నా బాధ్యతలు కొన్ని ఉన్నాయి. వాటిని పూర్తి చేయాలి. పైగా పెళ్లి చేసుకోవడం కంటే సోలోగా ఉంటేనే నాకు సంతోషంగా ఉంటుంది. చిన్నప్పట్నుంచి ఎన్నో మిస్‌ అయ్యాను. చాలా కలలున్నాయి. ముందు వాటిని నెరవేర్చుకోవాలి’ అని సమాధానం ఇచ్చారు. దీంతో త్వరలోనే మెగా కాంపౌండ్‌ నుంచి మరో పెళ్లి కబురు రానుందంటూ నెటిజన్లు చర్చించుకుంటున్నారు.

ఇవీ చదవండి

నిహారికని మా అమ్మలాగే చూస్తాం

నిహారికను చూస్తే కన్నీళ్లు వచ్చేశాయ్‌..!

Read latest Movies News and Telugu News

Follow us on Facebook, Twitter, Instagram, Koo, ShareChat, and Google News.

Tags :

గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.


మరిన్ని

ap-districts
ts-districts

ఎక్కువ మంది చదివినవి (Most Read)

మరిన్ని