జూనియర్‌ చిరుసర్జాకి జన్మనిచ్చిన మేఘన

సర్జా కుటుంబానికి అక్టోబర్‌ ఎంతో ప్రత్యేకం..
 

బెంగళూరు: ఇటీవల అకాల మరణం చెందిన కన్నడ నటుడు చిరు సర్జా సతీమణి మేఘన తాజాగా పండంటి మగబిడ్డకు జన్మనిచ్చారు. ఇన్‌స్టా వేదికగా ధ్రువ్‌ సర్జా ఈ శుభవార్త తెలియజేశారు. కుటుంబసభ్యులతో కలిసి ఆస్పత్రి వద్దే ఉన్న ధ్రువ్‌.. తన అన్న కుమారుడ్ని అపురూపంగా చేతిలోకి తీసుకుని మురిసిపోయారు. దీనికి సంబంధించిన ఫొటోలు ప్రస్తుతం నెట్టింట్లో వైరల్‌గా మారాయి. సర్జా కుటుంబానికి శుభాకాంక్షలు తెలుపుతూ నెటిజన్లు వరుస ట్వీట్లు చేస్తున్నారు.

కాగా, సర్జా కుటుంబానికి అక్టోబర్‌ నెల ఎంతో ప్రత్యేకమనే చెప్పాలి. ఎందుకంటే, ఈ నెలలోనే చిరు, ధ్రువ్‌ జన్మించారు. ఇప్పుడు ఇదే నెలలో జూనియర్‌ చిరు కూడా జన్మించడంతో కుటుంబసభ్యులు ఎంతో సంతోషిస్తున్నారు. మరోవైపు మూడేళ్ల క్రితం ఇదే రోజున చిరు-మేఘనల నిశ్చితార్థం జరిగింది.