పెళ్లి చేసుకున్నానంటూ.. షాకిచ్చిన నటి

వీడియో షేర్‌ చేసిన ‘మేం వయసుకు వచ్చాం’ హీరోయిన్‌

హైదరాబాద్‌: యువ కథానాయకుడు తనీష్‌ నటించిన ‘మేం వయసుకు వచ్చాం’ సినిమాతో తెలుగు ప్రేక్షకులకు పరిచయమైన నటి నీతి టేలర్‌. ఈ చిత్రంలో ఆమె నటనకు మంచి మార్కులు పడ్డాయి. ఆ తర్వాత ‘పెళ్లి పుస్తకం’లో కనిపించారు. కొన్నాళ్లుగా సినిమాలకు దూరంగా ఉంటున్నారు. టెలివిజన్‌ స్టార్‌గా మారి.. టీవీ షోలతో ఆకట్టుకున్నారు. పలు మ్యూజిక్‌ వీడియోల్లోనూ నటించారు. కాగా ఆగస్టు 13న తన వివాహం జరిగిందంటూ టేలర్‌ అభిమానుల్ని ఆశ్చర్యానికి గురి చేశారు. తన చిరకాల స్నేహితుడు పరిక్షిత్‌ భవను మనువాడినట్లు మంగళవారం ప్రకటించారు. పెళ్లి వీడియోను, ఫొటోను ఫాలోవర్స్‌తో పంచుకున్నారు. దీంతో అందరూ షాక్‌ అయ్యారు. కుటుంబ సభ్యులు, అత్యంత సన్నిహితుల సమక్షంలో ఈ శుభకార్యం జరిగినట్లు తెలుస్తోంది.

‘కుమారి నుంచి శ్రీమతిగా మారాను. ఆగస్టు 13న పరిక్షిత్‌తో నా వివాహం జరిగింది. కొవిడ్‌ నేపథ్యంలో మా తల్లిదండ్రులు, బంధువుల సమక్షంలో పెళ్లి జరిగింది. ఇప్పడు ‘హలో హజ్బెండ్‌’ అని నేను గట్టిగా కేకలు వేయగలను’ అని టేలర్‌ పోస్ట్‌ చేశారు. కొవిడ్‌-19 త్వరలోనే అంతమవుతుందని ఆశించామని, కానీ పరిస్థితులు అలానే ఉన్నాయన్నారు. ఈ కారణంగా ఆలస్యంగా పెళ్లి విషయాన్ని ప్రకటించినట్లు చెప్పారు. 2021 ఉత్తమంగా ఉంటుందని ఆశిస్తున్నట్లు ఆమె పేర్కొన్నారు.