NBK107: పేరు ఖరారు కాలేదు

బాలకృష్ణ కథానాయకుడిగా మైత్రీ మూవీ మేకర్స్‌ పతాకంపై ఓ చిత్రం రూపొందనుంది. గోపీచంద్‌ మలినేని దర్శకత్వం వహిస్తారు. బాలకృష్ణ 107వ చిత్రమిది. ఆయన ప్రస్తుతం చేస్తున్న ‘అఖండ’ తర్వాత పట్టాలెక్కనుంది. వాస్తవ సంఘటనల స్ఫూర్తితో తెరకెక్కనున్న ఈ సినిమాకి పేరు ఖరారైందని సామాజిక అనుసంధాన వేదికల్లో ప్రచారం సాగుతోంది. దీనిపై చిత్రబృందం స్పందించింది. ‘‘పేరు ఖరారు చేశామనేది అవాస్తవం. సినిమాపై ప్రేక్షకుల ఆసక్తి, వాళ్ల ఉత్సాహం చూస్తుంటే ఆనందంగా ఉంది. సినిమా పేరు, ఇతర విషయాల్ని తగిన సమయం వచ్చినప్పుడు ప్రకటిస్తాం’’ అని చిత్రబృందం సామాజిక మాధ్యమాల ద్వారా వెల్లడించింది.