Nallamala: మంచి కథకు.. మంచి ఆదరణ

అమిత్‌ తివారీ, భానుశ్రీ, నాజర్‌, తనికెళ్ల భరణి ప్రధాన పాత్రల్లో రవిచరణ్‌ తెరకెక్కించిన చిత్రం ‘నల్లమల’. ఆర్‌.ఎమ్‌ నిర్మాత. అజయ్‌ ఘోష్‌, కాలకేయ ప్రభాకర్‌ కీలక పాత్రలు పోషించారు. ఈ సినిమా శుక్రవారం విడుదలైన సందర్భంగా హైదరాబాద్‌లో సక్సెస్‌మీట్‌ నిర్వహించారు. ఈ సందర్భంగా దర్శకుడు మాట్లాడుతూ.. ‘‘ఆవు అమ్మ లాంటిది.. దాన్ని కాపాడుకోకపోతే  మనుగడ లేదు అనే కాన్సెప్ట్‌ తీసుకొని సినిమా తీశాం. మంచి కథకు.. మంచి ఆదరణ దక్కితే ఎలా ఉంటుందనేది ఈరోజు ప్రేక్షకులు చూపించార’’న్నారు. ‘‘సినిమా చాలా బాగుందని అందరూ ఫోన్లు చేస్తున్నారు. ‘ఏమున్నావే పిల్లా..’ పాటకు మంచి ఆదరణ లభిస్తోంది’’ అంది నాయిక భానుశ్రీ. ఈ చిత్రానికి సంగీతం: పి.ఆర్‌, ఛాయాగ్రహణం: వేణు మురళి.