Naresh: ‘నరేశ్‌ 59’కు క్లాప్‌ క్లాప్‌

‘నాంది’ సినిమాతో గతేడాది చక్కటి విజయాన్ని ఖాతాలో వేసుకున్నారు అల్లరి నరేశ్‌. ఇప్పుడీ  జోష్‌లోనే ఓ కొత్త చిత్రం పట్టాలెక్కించారు. నరేశ్‌ నటిస్తున్న 59వ సినిమా ఇది. ఎ.ఆర్‌.మోహన్‌ దర్శకుడు. రాజేష్‌ దండ నిర్మిస్తున్నారు. ఆనంది కథానాయిక. ఈ చిత్రం మంగళవారం హైదరాబాద్‌లో పూజా కార్యక్రమాలతో లాంఛనంగా ప్రారంభమైంది. ముహూర్తపు సన్నివేశానికి బాలు మున్నంగి క్లాప్‌ కొట్టగా.. నిర్మాత అభిషేక్‌ అగర్వాల్‌ కెమెరా స్విచ్చాన్‌ చేశారు. అనిల్‌ సుంకర గౌరవ దర్శకత్వం వహించారు. ‘‘అందరూ ఆదరించే ఓ సరికొత్త కథతో ఈ సినిమా రూపొందుతోంది. నరేశ్‌ నుంచి ఆయన అభిమానులు కోరుకునే అన్ని అంశాలు పుష్కలంగా ఉంటాయి. వీలైనంత త్వరలో రెగ్యులర్‌ చిత్రీకరణ మొదలవుతుంది’’ అని చిత్ర బృందం తెలియజేసింది. ఈ సినిమాకి అబ్బూరి రవి మాటలు రాస్తున్నారు. శ్రీచరణ్‌ పాకాల స్వరాలందిస్తున్నారు. ఛోటా కె.ప్రసాద్‌ ఎడిటర్‌గా, రామ్‌ రెడ్డి ఛాయాగ్రాహకుడిగా వ్యవహరిస్తున్నారు.