రివ్యూ: నిపా వైరస్
మలయాళంలో ఘన విజయం సాధించిన ‘నిపా వైరస్’ తెలుగులో ఎలా ఉందంటే?
చిత్రం: నిపా వైరస్
నటీనటులు: కుంచకో బోబన్, టొవినో థామస్, పార్వతి తిరువత్తు, ఆసిఫ్ అలీ, రెహమాన్, సౌబిన్ షాహిర్, ఇంద్రజిత్ సుకుమారన్, రేవతి తదితరులు
సంగీతం: సుశిన్ శ్యామ్
సినిమాటోగ్రఫీ: రాజీవ్ రవి, ఖలీద్
ఎడిటింగ్: సైజు శ్రీధరన్
నిర్మాత: ఆషిక్ అబు, రిమా కళింగల్
దర్శకత్వం: ఆషిక్ అబు
విడుదల: 04-12-2020(ఆహా)
ఏదో ఒక సందర్భంలో మానవాళిపై అనేక రకాల వైరస్లు దాడి చేస్తూనే ఉన్నాయి. సార్స్, ఆంత్రాక్స్, నిపా ఇప్పుడు కరోనా. కొన్ని ఆయా ప్రాంతాలకో.. దేశాలకో పరిమితం అయితే, కరోనా వైరస్ ప్రపంచవ్యాప్తంగా అన్ని దేశాలకు వ్యాపించింది. గతంలో ప్రపంచ దేశాలతో పాటు భారత్ను గడగడలాడించిన నిపా వైరస్ ఈ కోవలోకే వస్తుంది. ముఖ్యంగా కేరళపై ఎక్కువ ప్రభావం చూపింది. అయితే, ప్రభుత్వం పటిష్ట చర్యలు చేపట్టడంతో దాన్ని అదుపు చేయగలిగింది. ఆ భయానక పరిస్థితులను ఇతి వృత్తంగా తీసుకుని తెరకెక్కిన మలయాళ చిత్రం ‘వైరస్’. గతేడాది మలయాళంలో విడుదలైన ఈ చిత్రం బాక్సాఫీస్ వద్ద మంచి విజయాన్ని అందుకుంది. తాజాగా ఆహా ఓటీటీ వేదికగా తెలుగు ప్రేక్షకుల ముందుకు వచ్చింది. మరి అప్పట్లో కేరళ ఈ వైరస్ను ఎలా ఎదుర్కొంది? అందుకు ఎలాంటి చర్యలు తీసుకుంది?
కథేంటంటే: జక్రియా మహ్మద్(జక్రియా) తీవ్రమైన దగ్గు, వాంతులతో బాధపడతూ చికిత్స నిమిత్తం కోలికోడ్లోని ప్రభుత్వ మెడికల్ కాలేజ్కి వస్తాడు. అతనికి ఏమైందో తెలుసుకునేలోపే జక్రియా మరణిస్తాడు. ఆ తర్వాత కొద్దిరోజులకే అతనికి చికిత్స అందించిన నర్స్ అఖిల(రైమా) మరికొందరు కూడా అవే లక్షణాలతో బాధపడుతూ ఆస్పత్రికి వస్తారు. దీంతో అసలు ఈ వ్యాధి ఏంటి? ఎందుకు అందరూ ఇలా అస్వస్థతకు గురువుతున్నారని ఆరోగ్యశాఖ వర్గాలు రంగంలోకి దిగుతాయి. వివిధ పరీక్షల అనంతరం వారందరూ నిపా వైరస్ బారినపడినట్లు గుర్తిస్తారు. దీంతో ప్రభుత్వం నిపా కట్టడికి ప్రత్యేక చర్యలు తీసుకుంటుంది. ఆ చర్యలు ఏంటి? నిపా కారణంగా ఎవరెవరి జీవితాలు ప్రభావితం అయ్యాయి? ఆ సమయంలో ప్రజలు ఎలా ఇబ్బందులు పడ్డారు? నిపా బారిన పడ్డ వారి కుటుంబాలు సమాజంలో ఎలాంటి పరిస్థితులు ఎదుర్కొన్నాయి తెలియాలంటే సినిమా చూడాల్సిందే!
ఎలా ఉందంటే: ప్రపంచ దేశాలను వణికించిన వ్యాధుల్లో నిపా కూడా ఒకటి. అయితే, కొన్నేళ్ల కిందటి వరకూ ఇతర దేశాలకే పరిమితమైన ఈ వ్యాధి 2018లో కేరళలో కలకలం సృష్టించింది. ముఖ్యంగా మలప్పురం, కోలికోడ్ జిల్లాలపై దాని ప్రభావం ఎక్కువగా పడింది. ఈ అంటువ్యాధినే కథా వస్తువుగా తీసుకుని ఆషిక్ అబు ‘వైరస్’ సినిమాను తీర్చిదిద్దాడు. వివిధ అనారోగ్య సమస్యలతో ఆస్పత్రికి వచ్చే రోగులకు వైద్యులు, నర్సులు ఎలాంటి చికిత్స అందిస్తారు? వారితో ఎలా మాట్లాడతారు? వంటి సన్నివేశాలతో కథను ప్రారంభించాడు. ఆస్పత్రి వాతావరణం ఎలా ఉంటుందో చెప్పే ప్రయత్నం చేశాడు. ఆ తర్వాత జక్రియా అనే వ్యక్తి అస్వస్థతకు గురవడం, అతన్ని ఆస్పత్రికి తీసుకురావడం తదితర సన్నివేశాలతో కథలోకి తీసుకెళ్లే ప్రయత్నం చేశాడు. నెమ్మదిగా వ్యాధి ఒకరి నుంచి మరొకరికి ఎలా సోకుతుందో చూపించాడు. ఇందుకోసం కాస్త నిడివి ఎక్కువే తీసుకున్నట్లు అనిపిస్తుంది. వారందరికీ సోకింది నిపా అని తెలిసిన తర్వాత ఆస్పత్రిలో పనిచేసే ప్రతి ఒక్కరూ ఎలా భయపడతారు? వాళ్ల ఆలోచనలు ఎలా ఉంటాయో చక్కగా చూపించాడు. ప్రభుత్వం రంగంలోకి దిగి నిపా బారిన పడ్డవారు ఎవరెవరిని కలిశారో తెలుసుకునే ప్రయత్నం.. అందుకు ఎలాంటి విధానం అనుసరిస్తుంది? తదితర సన్నివేశాలు ఆసక్తిగా ఉంటాయి.
అంటువ్యాధులతో చనిపోయిన వారి మృతదేహాలను ఖననం చేయడం ప్రభుత్వానికి, ఆస్పత్రి వర్గాలకు, కుటుంబ సభ్యులకు అతి పెద్ద సవాల్. వ్యాధి గురించి తెలిసిన తర్వాత మృతదేహాన్ని ముట్టుకునేందుకు కూడా ఎవరూ ముందుకు రారు. అదంతా సినిమాలో చూపించే ప్రయత్నం చేశాడు దర్శకుడు. ఆయా సన్నివేశాలు చూస్తే, నిజ జీవితంలో మృతదేహాలను ఖననం చేయడానికి ఆస్పత్రి సిబ్బంది ఎంత కష్టపడతారో అర్థమవుతుంది. కరోనా కారణంగా చాలామంది ఇలాంటి పరిస్థితులను ఎదుర్కొన్నారు. అవన్నీ భావోద్వేగంగా సాగుతాయి. అదే సమయంలో తమ ప్రాణాలను పణంగా పెట్టి ఆస్పత్రిలో పనిచేస్తున్న వారి కుటుంబాలు బయట సమాజం నుంచి ఎలాంటి అవమానాలు ఎదుర్కొంటాయో చూపించే ప్రయత్నం చేశాడు దర్శకుడు. అలాంటి వారిని, వారి కుటుంబాలను అభినందించాల్సింది పోయి, దూరం పెట్టడం, వారిని అంటరాని వారిగా చూడటం నేటి ఆధునిక సమాజంలో ఇంకా మూఢనమ్మకాలతోనే ప్రజలు జీవిస్తున్నారంటూ చురకలంటించాడు. ఆ తర్వాత అసలు నిపా వైరస్కు మూలం ఎక్కడ ఉందనే ప్రయత్నం మొదలు పెడుతుంది ప్రభుత్వం. ఈ క్రమంలో వచ్చే సన్నివేశాలు నెమ్మదిగా సాగుతాయి. ఒకానొకదశలో ఇది ఉగ్రవాదుల చర్యా? అన్న అనుమానాలు కూడా వ్యక్తం అవుతాయి. ఇండెక్స్ పేషెంట్(వ్యాధి సోకిన మొదటి వ్యక్తి)కు నిపా ఎలా సోకిందో తెలుసుకునేందుకు పెద్ద కసరత్తే చేయాల్సి వస్తుంది. చివరకు ఇది జీవాయుధం చర్య కాదని తెలుసుకోవడంతో అంతా ఊపిరి పీల్చుకుంటారు. నిపా కట్టడికి కృషి చేసిన వారిని ప్రభుత్వం అభినందించడంతో సినిమా ముగుస్తుంది.
ఎవరెలా చేశారంటే: ఇందులో రేవతి మినహా మిగిలిన వాళ్లందరూ తెలుగు ప్రేక్షకులకు తెలియని వాళ్లే. అయితే, ఎవరి పాత్రల్లో వాళ్లు చక్కగా ఒదిగిపోయి నటించారు. ప్రతి పాత్రకూ ఇందులో ప్రాధాన్యం ఉంది. ‘నిపా వైరస్’లాంటి మెడికల్ థ్రిల్లర్ ఆకట్టుకోవాలంటే సాంకేతిక బృందం పనితీరు ఎంతో ముఖ్యం. సుశిన్ శ్యామ్ చక్కటి సంగీతం అందించాడు. పాటలన్నీ కథాగమనంలో వచ్చి వెళ్లిపోతాయి. రాజీవ్ రవి సినిమాటోగ్రఫీ బాగుంది. ఆస్పత్రి వాతావరణం, రోగులు, అంటు వ్యాధులు ప్రబలినపుడు ఉండే పరిస్థితులను చక్కగా చూపించాడు. సైజు శ్రీధరన్ ఎడిటింగ్కు కాస్త పనిచెప్పి ఉంటే బాగుండేది. అయితే, అక్కడి నేటివిటీతో పాటు, వైరస్ పరిస్థితులను చూపించేందుకు కొన్ని సన్నివేశాలను వదిలేశారేమో అనిపిస్తుంది. థియేటర్ వరకూ ఆ నిడివి ఉన్నా పర్వాలేదేమో కానీ, ఓటీటీకి వచ్చేసరికి కొన్ని సన్నివేశాలకు కత్తెరవేస్తే బాగుండేది.
దర్శకుడు ఆషిక్ అబు ఎంచుకున్న పాయింట్ విభిన్నమైంది. నిపా వైరస్నాటి పరిస్థితులను ప్రతి సన్నివేశం ద్వారా ప్రేక్షకుల కళ్లకు కట్టే ప్రయత్నం చేశాడు. సినిమా కోసం అతను చేసిన కసరత్తు అంతా స్క్రీన్పై కనిపిస్తుంది. నిర్మాణ విలువలు బాగున్నాయి. అయితే, గతేడాది జూన్లో మలయాళంలో విడుదలైన ఈ చిత్రం దాదాపు ఏడాదిన్నర తర్వాత తెలుగు ప్రేక్షకుల ముందుకు ఆహా ఓటీటీ వేదికగా వచ్చింది. లాక్డౌన్ సమయంలో వచ్చి ఉంటే మరింత ఆకట్టుకునేది.
బలాలు | బలహీనతలు |
+ దర్శకుడు ఎంచుకున్న పాయింట్ | - నెమ్మదిగా సాగే కథనం |
+ భావోద్వేగాలు | - నిడివి |
+ సాంకేతిక బృందం పనితీరు |
చివరిగా: ‘నిపా వైరస్’.. కాస్త ఓపికతో చూస్తే, తప్పకుండా ఈ థ్రిల్లర్ అలరిస్తుంది.
గమనిక: ఈ సమీక్ష సమీక్షకుడి దృష్టి కోణానికి సంబంధించింది. ఇది సమీక్షకుడి వ్యక్తిగత అభిప్రాయం మాత్రమే!
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
-
రివ్యూ: ఆర్టికల్ 370.. యామి గౌతమ్, ప్రియమణి నటించిన పొలిటికల్ థ్రిల్లర్ ఎలా ఉంది?
యామి గౌతమ్, ప్రియమణి నటించిన పొలిటికల్ థ్రిల్లర్ మెప్పించిందా? -
రివ్యూ: మై డియర్ దొంగ.. అభినవ్ గోమఠం నటించిన సినిమా ఎలా ఉందంటే?
అభినవ్ గోమఠం, శాలిని కొండెపూడి ప్రధాన పాత్రల్లో నటించిన చిత్రం ‘మై డియర్ దొంగ’. ఓటీటీ ‘ఆహా’లో విడుదలైన ఈ సినిమా రివ్యూ మీ కోసం.. -
రివ్యూ: సైరెన్.. జయం రవి, కీర్తి సురేశ్ యాక్షన్ థ్రిల్లర్ ఎలా ఉంది?
siren movie review: జయం రవి కథానాయకుడిగా ఆంటోనీ భాగ్యరాజా దర్శకత్వంలో వచ్చిన ‘సైరెన్’ మూవీ తెలుగులో మెప్పించిందా? -
రివ్యూ: పారిజాత పర్వం.. క్రైమ్ కామెడీ థ్రిల్లర్ ఎలా ఉంది?
Paarijatha Parvam Review; చైతన్యరావు, సునీల్, శ్రద్ధాదాస్ కీలక పాత్రల్లో నటించిన క్రైమ్ థ్రిల్లర్ మెప్పించిందా? -
రివ్యూ: ఆట్టం.. మలయాళ సస్పెన్స్ డ్రామా ఎలా ఉంది?
వినయ్, కళాభవన్ షాజాన్, జరీన్ షిహబ్ కీలక పాత్రల్లో నటించిన ‘ఆట్టం’ ఎలా ఉంది? -
రివ్యూ: డియర్.. భార్య గురకపెట్టే కాన్సెప్ట్తో రూపొందిన ఈ మూవీ మెప్పించిందా?
DeAr Movie 2024 Review: జీవీ ప్రకాష్కుమార్, ఐశ్వర్య రాజేశ్ కీలక పాత్రల్లో నటించిన ‘డియర్’ మూవీ మెప్పించిందా? -
రివ్యూ: శ్రీ రంగనీతులు.. సుహాస్, కార్తీక్ రత్నంల కొత్త మూవీ మెప్పించిందా?
sri ranga neethulu review: తాజాగా ప్రేక్షకుల ముందుకు వచ్చిన ‘శ్రీరంగ నీతులు’ మూవీ ఎలా ఉంది? -
రివ్యూ: బడే మియా ఛోటే మియా.. అక్షయ్, టైగర్ ష్రాఫ్ నటించిన యాక్షన్ థ్రిల్లర్ ఎలా ఉంది?
అలీ అబ్బాస్ జాఫర్ దర్శకత్వంలో అక్షయ్, టైగర్ ష్రాఫ్ కీలక పాత్రల్లో నటించిన ‘బడే మియా ఛోటే మియా’ మెప్పించిందా? -
రివ్యూ: గీతాంజలి మళ్ళీ వచ్చింది.. హారర్ కామెడీ థ్రిల్లర్ ఎలా ఉంది?
అంజలి కీలక పాత్రలో నటించిన హారర్ కామెడీ థ్రిల్లర్ ‘గీతాంజలి మళ్ళీ వచ్చింది’ ప్రేక్షకులను మెప్పించిందా? -
రివ్యూ: లవ్గురు.. విజయ్ ఆంటోనీ మూవీ ఎలా ఉంది?
Love Guru Review: విజయ్ ఆంటోని, మృణాళిని రవి కీలక పాత్రల్లో నటించిన న్యూఏజ్ ఫ్యామిలీడ్రామా మెప్పించిందా? -
రివ్యూ: మైదాన్.. అజయ్ దేవ్గణ్ కీలక పాత్రలో నటించిన స్పోర్ట్స్ డ్రామా మెప్పించిందా?
భారత ఫుట్బాల్ కోచ్ అబ్దుల్ సయ్యద్ రహీం జీవిత చరిత్ర ఆధారంగా రూపొందిన ‘మైదాన్’ మూవీ ఎలా ఉంది? -
రివ్యూ: ప్రాజెక్ట్-Z.. సందీప్ కిషన్, లావణ్య త్రిపాఠి సైన్స్ ఫిక్షన్ థ్రిల్లర్ ఎలా ఉంది?
Project Z Movie Review: ఏడేళ్ల కిందట తమిళంలో విడుదలై తాజాగా తెలుగు ప్రేక్షకుల ముందుకు వచ్చిన ‘ప్రాజెక్ట్-Z’ ప్రేక్షకులను మెప్పించిందా? -
రివ్యూ: మంజుమ్మల్ బాయ్స్.. మలయాళ సూపర్హిట్ తెలుగులో ఎలా ఉంది?
మలయాళంలో రూ.200 కోట్లకు పైగా వసూళ్లు సాధించి రికార్డు సృష్టించిన ‘మంజుమ్మల్ బాయ్స్’ మూవీ తెలుగు ప్రేక్షకులకు నచ్చుతుందా? -
రివ్యూ: ఫ్యామిలీస్టార్.. విజయ్ దేవరకొండ ఖాతాలో హిట్ పడిందా?
Family Star Review: విజయ్ దేవరకొండ, మృణాళ్ ఠాకూర్ కీలక పాత్రల్లో నటించిన ‘ఫ్యామిలీస్టార్’ ఎలా ఉందంటే? -
రివ్యూ: టిల్లు స్క్వేర్.. సిద్ధు, అనుపమ జోడీ మేజిక్ చేసిందా?
Tillu Square Review: సిద్ధు జొన్నలగడ్డ, అనుపమ పరమేశ్వర్ జంటగా నటించిన రొమాంటిక్ క్రైమ్ కామెడీ మెప్పించిందా? -
రివ్యూ: ఆడుజీవితం: ది గోట్లైఫ్.. పృథ్వీరాజ్ సుకుమారన్ సర్వైవల్ థ్రిల్లర్ ఎలా ఉంది?
మలయాళ నటుడు పృథ్వీరాజ్ సుకుమారన్, అమలాపాల్ కీలకపాత్రల్లో బ్లెస్సీ తీసిన ‘ఆడు జీవితం’ తెలుగు ప్రేక్షకులను మెప్పించిందా? -
Om Bhim Bush Review; రివ్యూ: ఓం భీమ్ బుష్.. కామెడీ ఎంటర్టైనర్ అలరించిందా?
om bhim bush review: శ్రీ విష్ణు, ప్రియదర్శి, రాహుల్ రామకృష్ణ కీలక పాత్రల్లో నటించిన ‘ఓం భీమ్ బుష్’ ఎలా ఉందంటే? -
ThulasiVanam Review: రివ్యూ: తులసీవనం: మిడిల్క్లాస్ కుర్రాడి బయోపిక్
ఓటీటీ ‘ఈటీవీ విన్’లో విడుదలైన ‘తులసీవనం’ వెబ్సిరీస్ ఎలా ఉందంటే? -
Abraham Ozler review: రివ్యూ: అబ్రహాం ఓజ్లర్.. మలయాళ క్రైమ్ థ్రిల్లర్ ఎలా ఉంది?
Abraham Ozler review: జయరామ్, మమ్ముట్టి కీలక పాత్రల్లో నటించిన ‘అబ్రహాం ఓజ్లర్’ ఎలా ఉందంటే? -
Save The Tigers 2 Review: రివ్యూ: సేవ్ ది టైగర్స్ సీజన్ 2.. నవ్వులు రిపీట్ అయ్యాయా?
ప్రియదర్శి, అభినవ్ గోమఠం, చైతన్య కృష్ణ ప్రధాన పాత్రల్లో నటించిన వెబ్సిరీస్ ‘సేవ్ ది టైగర్స్ 2’. ఓటీటీ ‘డిస్నీ+ హాట్స్టార్’లో విడుదలైన ఈ సిరీస్ ఎలా ఉందంటే? -
Sharathulu Varthisthai Review: రివ్యూ: షరతులు వర్తిస్తాయి.. సినిమా ఎలా ఉందంటే?
Sharathulu Varthisthai Review: చైతన్యరావు కీలక పాత్రలో నటించిన ‘షరతులు వర్తిస్తాయి’ మూవీ మెప్పించిందా?
తాజా వార్తలు (Latest News)
-
టీ20 ప్రపంచకప్నకు టీమ్ ఇండియాను మీరే ఎంపిక చేయండి!
-
సరిహద్దు దాటిన మానవత్వం.. భారతీయుడి దానంతో పాక్ యువతికి కొత్త జీవితం
-
టీ20 వరల్డ్ కప్.. ‘‘ధోనీ వైల్డ్ కార్డ్ ఎంట్రీ ఇస్తే బాగుంటుంది’’
-
నేటి రాశి ఫలాలు.. 12 రాశుల ఫలితాలు ఇలా... (25/04/24)
-
ఎన్నికల బరిలో ‘పొలిమేర’ నటి..
-
శిక్షణ నుంచి తప్పించుకున్న గుర్రాలు.. లండన్ వీధుల్లో హల్చల్!