Pathan: స్పెయిన్‌లో ‘పఠాన్‌’..

‘పఠాన్‌’ సినిమాని పూర్తి చేసేందుకు షారుక్‌ ఖాన్‌ సిద్ధమయ్యారు. ఈ చిత్ర కొత్త షెడ్యూల్‌ కోసం చిత్ర బృందంతో కలిసి ఆయన ఇప్పటికే స్పెయిన్‌కు చేరుకున్నారు. సిద్ధార్థ్‌ ఆనంద్‌ తెరకెక్కిస్తున్న యాక్షన్‌ చిత్రమిది. దీపిక పదుకొణె కథా  నాయిక. జాన్‌ అబ్రహం ప్రతినాయకుడిగా నటిస్తున్నారు. ప్రస్తుతం ముగింపు దశలో ఉన్న ఈ చిత్రం.. స్పెయిన్‌లో కొత్త షెడ్యూల్‌ను ప్రారంభించుకుంటోంది. ఈ షెడ్యూల్‌లో భాగంగా షారుక్‌, జాన్‌ అబ్రహంలపై   కొన్ని యాక్షన్‌ సీక్వెన్స్‌లు తెరకెక్కించనున్నారు. అలాగే దీపిక - షారుక్‌లపై ఓ పాటతో పాటు కొన్ని కీలక సన్నివేశాలు చిత్రీకరించనున్నారు. విభిన్నమైన యాక్షన్‌ థ్రిల్లర్‌ కథాంశంతో రూపొందుతోన్న ఈ సినిమా.. వచ్చే ఏడాది జనవరి 25న ప్రేక్షకుల ముందుకు రానుంది.