Pushpa: లొకేషన్ల వేట మొదలు

‘పుష్ప-2’ పనులు మొదలయ్యాయి. పూర్వ నిర్మాణ కార్యక్రమాల్లో భాగంగా దర్శకుడు సుకుమార్‌ లొకేషన్ల వేట మొదలుపెట్టారు. ఈ సినిమా కోసం ఇటీవల అల్లు అర్జున్‌ ప్రత్యేకంగా ఓ ఫొటో షూట్‌లో పాల్గొన్నట్టు తెలుస్తోంది. అడవుల నేపథ్యంలో సాగే ఈ సినిమాకి లొకేషన్లు కీలకం. తొలి భాగం సినిమా కోసం కేరళతోపాటు పలు ప్రాంతాల్లో చిత్రీకరణ జరిపారు.

సారి అదే తరహాలో అరుదైన లొకేషన్లని ఎంచుకుని చిత్రీకరణ చేసేందుకు చిత్రబృందం సన్నాహాలు మొదలుపెట్టింది. తొలి భాగం ‘పుష్ప: ది రైజ్‌’  భాషలతో సంబంధం లేకుండా దేశవ్యాప్తంగా ప్రేక్షకుల్ని అలరించింది. రెండో భాగంపై మరిన్ని అంచనాలు ఏర్పడటంతో, అందుకు దీటుగా సినిమాని రూపొందించేందుకు సుకుమార్‌ ప్రయత్నాలు చేస్తున్నారు. ఇందులో మరికొంత మంది కొత్త నటులు సందడి చేసే అవకాశాలున్నాయి.