Radheshyam: ప్రేమదే విజయం

ప్రభాస్‌, పూజా హెగ్డే జంటగా నటించిన ప్రేమకథా చిత్రం ‘రాధేశ్యామ్‌’. కె.రాధాకృష్ణ కుమార్‌ తెరకెక్కించారు. గోపీకృష్ణ మూవీస్‌, యూవీ క్రియేషన్స్‌ నిర్మించాయి. కృష్ణంరాజు, భాగ్యశ్రీ, జయరామ్‌ కీలక పాత్రలు పోషించారు. ఈ సినిమా ఇటీవలే విడుదలైన నేపథ్యంలోనే శనివారం హైదరాబాద్‌లో విలేకర్ల సమావేశం ఏర్పాటు చేశారు. దర్శకుడు మాట్లాడుతూ.. ‘‘ప్రేక్షకుల ఆదరణ బాగుంది. ప్రభాస్‌, పూజాల నటన, కెమిస్ట్రీ గురించి అందరూ మాట్లాడుకుంటున్నారు. తమన్‌ నేపథ్య సంగీతంతో మ్యాజిక్‌ చేశారు’’ అన్నారు. ‘‘కథలో చక్కటి ప్రేమ ఉంది. అందరూ అన్నట్లుగానే ప్రేమే విజయం సాధించింది. ఈ స్క్రిప్ట్‌ ఎంచుకుని, చేసినందుకు ప్రభాస్‌కు హ్యాట్సాఫ్‌. చాలా మంది సినిమాని హాలీవుడ్‌ చిత్రాలతో పోలుస్తున్నారు’’ అన్నారు తమన్‌.