లవ్‌ మ్యారేజ్‌ చేసుకుంటా..! రాజ్‌ తరుణ్‌

నేను బ్యాడ్‌ బాయ్‌నే

హైదరాబాద్‌: సినీ ఇండస్ట్రీపై ఉన్న ఆసక్తితో పలు షార్ట్‌ ఫిల్మ్స్‌లో నటించి.. ‘ఉయ్యాల జంపాలా’ చిత్రంతో హీరోగా వెండితెరకు పరిచయమయ్యారు నటుడు రాజ్‌తరుణ్‌. వైజాగ్‌ నుంచి వచ్చి హీరోగా సినీ ఇండస్ట్రీలో సెటిలైన రాజ్‌ తరుణ్‌ తాజాగా ఈటీవీలో ప్రసారమయ్యే ‘ఆలీతో సరదాగా’ కార్యక్రమానికి విచ్చేసి తన జీవితానికి సంబంధించిన ఎన్నో విశేషాలను పంచుకున్నారు.

వైజాగ్‌ కుర్రాళ్లు ఎక్కువగా బయట తిరగడానికే ఇష్టపడతారని, అందుకే వాళ్లకి లోకజ్ఞానం ఎక్కువగా ఉంటుందని, తన దృష్టిలో వాళ్లనే అసలైన కుర్రాళ్లు అంటారని రాజ్‌ తరుణ్‌ సరదాగా చెప్పారు. అనంతరం తాను నటించిన ‘కుమారి 21ఎఫ్‌’ సినిమాలోని ఓ పాటను ఉద్దేశిస్తూ.. తాను కూడా బ్యాడ్‌బాయ్‌నేనని అందుకే బ్యాంకాక్‌ వెళ్లాలని తెలిపారు. అనంతరం పెళ్లి గురించి మాట్లాడుతూ.. తాను లవ్‌ మ్యారేజే చేసుకుంటానని, కాకపోతే దానికి ఇంకా సమయం ఉందనన్నారు. ఇలా రాజ్‌ తరుణ్‌ ఎన్నో సరదా సంగతులను పంచుకుని నవ్వులు పూయించారు. అక్టోబర్‌ 5న ప్రసారం కానున్న ‘అలీతో సరదాగా’ ఎపిసోడ్‌కి సంబంధించిన ప్రోమోని చూసేయండి.