రియా చక్రవర్తికి మరో షాక్‌

నటికి కస్టడీని పొడిగించిన ప్రత్యేక కోర్టు

ముంబయి: బాలీవుడ్‌ నటి రియా చక్రవర్తికి మరో షాక్‌. ఆమె జ్యుడీషియల్‌ కస్టడీని అక్టోబర్ 6వ తేదీ వరకు పొడిగిస్తూ నార్కోటిక్‌ డ్రగ్స్ అండ్ సైకోట్రోపిక్ సబ్‌స్టాన్సెస్ (ఎన్‌డీపీఎస్) చట్టం ప్రత్యేక న్యాయస్థానం తీర్పు వెల్లడించింది. ఆత్మహత్య చేసుకున్న నటుడు సుశాంత్‌సింగ్‌ రాజ్‌పూత్‌కు మాదకద్రవ్యాలు సరఫరా చేసినట్లు ఆరోపణలు ఎదుర్కొన్న రియా నార్కోటిక్‌ కంట్రోల్‌ బ్యూరో (ఎన్‌సీబీ) సెప్టెంబర్‌ 8న రియాను అరెస్టు చేసింది. అనంతరం ఆమెకు 14 రోజుల జ్యుడీషియల్ కస్టడీకి విధిస్తూ కోర్టు తీర్పు వెల్లడించింది. డ్రగ్స్‌ సరఫరాతో సంబంధం ఉన్న రియా సోదరుడు షోవిక్‌, పలువురు సుశాంత్‌ వ్యక్తిగత సిబ్బంది సహా మరికొంత మందిని ఎన్‌సీబీ అరెస్టు చేసింది. గతంలో వారు బెయిల్‌ కోసం పిటిషన్‌ దాఖలు చేసుకోగా ఆ పిటిషన్‌ను కోర్టు కొట్టివేసింది.