PelliSandaD: క్రికెట్లోనే కాదు... సినిమాల్లోనూ ఆల్రౌండర్ అనిపించుకుంటా!
తెలుగు చిత్రసీమలో వారసుల సందడే ఎక్కువ. తారల కుటుంబాల నుంచి వస్తున్న నవతరం తమదైన ప్రతిభని ప్రదర్శిస్తూ సత్తా చాటుతోంది. చిత్రసీమకి కొత్త ఉత్సాహాన్ని అందిస్తోంది.
తెలుగు చిత్రసీమలో వారసుల సందడే ఎక్కువ. తారల కుటుంబాల నుంచి వస్తున్న నవతరం తమదైన ప్రతిభని ప్రదర్శిస్తూ సత్తా చాటుతోంది. చిత్రసీమకి కొత్త ఉత్సాహాన్ని అందిస్తోంది. వందకిపైగా సినిమాలతో ప్రేక్షకుల్ని అలరించిన కథానాయకుడు శ్రీకాంత్ వారసుడు రోషన్ కూడా ఇప్పటికే తెరకు పరిచయమైన సంగతి తెలిసిందే. తాజాగా తన తండ్రి చేసిన ‘పెళ్లిసందడి’ పేరుతోనే ఓ సినిమా చేశాడు. అప్పటి చిత్రానికి దర్శకత్వం వహించిన కె.రాఘవేంద్రరావు, నేటి చిత్రానికి దర్శకత్వ పర్యవేక్షణ చేయడం విశేషం. ఆయన నటుడిగానూ ఈ చిత్రంతో పరిచయం అవుతున్నారు. ‘పెళ్లిసందడి’ ఈ నెల 15న ప్రేక్షకుల ముందుకొస్తోంది. ఈ సందర్భంగా రోషన్తో ‘ఈనాడు సినిమా’ ప్రత్యేకంగా ముచ్చటించింది. ఆ విషయాలివీ.
‘‘చిత్ర పరిశ్రమలో మనం అనుకుంటే అయ్యేవి తక్కువ అని, కొన్ని ఫ్లోలో జరిగిపోతుంటాయని మా నాన్న చెబుతుంటారు. నా సినీ ప్రయాణంలోనూ అదే జరిగింది. అనుకోకుండానే ‘నిర్మలా కాన్వెంట్’ చేసే అవకాశం వచ్చింది. టీనేజ్లో చేసిన సినిమా అది. ఇక కె.రాఘవేంద్రరావు సర్తో సినిమా అస్సలు అనుకోలేదు. అనుకోకుండానే ఆయన్నుంచి ‘పెళ్లిసందడి’ కోసం పిలుపొచ్చింది. తొలి సినిమా సమయానికి నేనొక బాలనటుడిగానే లెక్క. పూర్తిస్థాయిలో హీరోగా నేను పరిచయం అవుతున్న సినిమా అంటే ఇదే. రాఘవేంద్రరావు సర్తో సినిమా ఓ అదృష్టం అనుకుంటే, మా నాన్న చేసిన ‘పెళ్లిసందడి’ సినిమా పేరుతోనే, అది కూడా సరిగ్గా పాతికేళ్ల తర్వాత నేను చేయడం అంటే అంతా ఒక కలలా ఉంది. నేటితరం మొదలుకొని, కుటుంబ ప్రేక్షకుల వరకు అందరికీ నచ్చేలా ఉంటుందీ చిత్రం. కరోనా తర్వాత ఇప్పుడున్న పరిస్థితులకి తగ్గట్టు వినోదాన్ని అందించే చిత్రమిది. తొలి అడుగుల్లోనే ఇలాంటి ఓ కుటుంబ కథ చేయడం ఓ మంచి అనుభవం’’.
* ‘‘అమ్మానాన్నలు నటులే అయినా, మా ఇంట్లో సినిమా వాతావరణం అంతగా కనిపించేది కాదు. అప్పుడప్పుడు నాన్నతో కలిసి వేడుకలకి వెళ్లడం తప్ప! స్నేహితులు కూడా బయటవాళ్లే ఎక్కువ. నాన్నకి క్రికెట్ అంటే ఇష్టం. ఆయన నన్నొక క్రికెటర్లా చూడాలనుకునేవారు. అందుకే అటువైపు ప్రోత్సహించారు. నేను కూడా చిన్నప్పుడు క్రికెట్ బాగా ఆడేవాణ్ని.
అలా అండర్ 14 జట్టుకి రాష్ట్ర స్థాయిలో ఆడాను. రోజూ ఎంతో క్రమశిక్షణతో ఉదయాన్నే జింఖానా గ్రౌండ్కి వెళ్లి అక్కడ క్రికెట్ ఆడేవాణ్ని. ఒకదశలో క్రికెటర్గా రాణించాలంటే ఈ కష్టం సరిపోదేమో అనిపించింది. ఆ సమయంలోనే ‘నిర్మలా కాన్వెంట్’ చిత్రంలో నటించే అవకాశం వచ్చింది. అప్పట్నుంచి సినిమాపై ప్రేమ పుట్టింది. చదువుల్లో నేను అంత చురుకేమీ కాదు. 75 శాతం మార్కులొచ్చేవి. మా చెల్లి చాలా బాగా చదువుతుంది. మా తమ్ముడు నాకంటే బాగా చదువుతాడు. నేను అంతంత మాత్రమే. దాంతో ఏడాదికి మూడుసార్లు ప్రోగ్రెస్ కార్డ్ చేతికి ఇచ్చినప్పుడంతా ఇంట్లో గట్టిగా క్లాస్ పడేది. ఇంటర్ తర్వాత ఇక సినిమాపైనే దృష్టిపెడతానని ఇంట్లో చెప్పా. దాంతో అమెరికా, లాస్ ఏంజెలిస్లోని ఫిల్మ్ ఇన్స్టిట్యూట్లో చేర్పించారు. అక్కడ ఒక ఏడాది డిప్లొమా పూర్తి చేసి తిరిగొచ్చా. సల్మాన్ఖాన్ నిర్మాణ సంస్థలో ‘దబాంగ్ 3’కి సహాయ దర్శకుడిగా పనిచేశా. అక్కడ తెర వెనక జరిగే ప్రక్రియనంతా క్షుణ్ణంగా అధ్యయనం చేశా. ఆ సినిమా ప్రయాణంలో సల్మాన్ఖాన్ నుంచి కూడా చాలా విషయాలు తెలుసుకున్నా’’.
* ‘‘అమ్మానాన్నలు నటన గురించి పెద్దగా సలహాలేమీ ఇవ్వరు. నాకే ఏదైనా సందేహం ఉంటే అడుగుతాను, వాళ్లు వాళ్ల అనుభవాల్ని చెబుతుంటారు. సెట్లో ఎలా మసలుకోవాలో చెబుతుంటారు. మా నాన్న దగ్గర కెరీర్, వ్యాపారానికి సంబంధించిన విషయాల్ని మాట్లాడుతుంటా. వ్యక్తిగత విషయాలన్నీ అమ్మతో పంచుకుంటాను. మా తమ్ముడు, చెల్లికీ నాతో అనుబంధం ఎక్కువ. వాళ్లు ఏ సమస్యయినా ముందు నాతోనే పంచుకుంటారు. నాకు చిత్ర పరిశ్రమలో కంటే కూడా బయట స్నేహితులే ఎక్కువ. మా తమ్ముడు రోహన్ కూడా సినీ రంగ ప్రవేశం చేస్తున్నాడు. ప్రభుదేవా దర్శకత్వంలో ఓ హారర్ చిత్రంలో నటిస్తున్నాడు. ‘పెళ్లిసందడి’ తర్వాత నేను చేయనున్న కొత్త సినిమా కూడా ఖరారైంది’’.
‘‘నాకు సరిగ్గా గుర్తు లేదు కానీ స్కూల్కి వెళ్లే రోజుల్నుంచీ మా నాన్న నటించిన ‘పెళ్లి సందడి’ని చూస్తూనే ఉన్నా. ఆ సినిమా చూసినప్పుడంతా నాకు ఎక్కువగా పాటలే నచ్చేవి. ఎన్ని పాటలున్నాయో అనుకునేవాణ్ని. ఆ సినిమాలో నటించాకే మా నాన్నకి పెళ్లి అయ్యిందంట (నవ్వుతూ). నాకు మాత్రం ఆ అవకాశం లేదులెండి, ఎందుకంటే ఈమధ్యే నేను రెండు పదుల వయసు దాటాను. నా పెళ్లికి చాలా సమయం ఉంది. మా నాన్న కెరీర్లో ఆ సినిమా ఎంత ప్రత్యేకమో, ఇది కూడా నాకు అంతే. ఇకపై నేనెన్ని సినిమాలు చేసినా ఇది గుర్తుండిపోతుంది. చిత్రీకరణ అంతా చాలా సరదాగా సాగిపోయింది. రొమాంటిక్ సన్నివేశాల్లో కానీ, పోరాట ఘట్టాలు చేస్తున్నప్పుడు కానీ ఎక్కడా ఇబ్బంది పడలేదు. కె.రాఘవేంద్రరావు సర్ పర్యవేక్షణలో, దర్శకురాలు గౌరి రోణంకి చిత్రాన్ని చాలా బాగా తీర్చిదిద్దారు. కచ్చితంగా ఇది పండగ సినిమా అనిపించుకుంటుంది. సీనియర్ నటులు చాలా మంది ఇందులో కీలక పాత్రలు పోషించారు. వాళ్ల నుంచి చాలా నేర్చుకున్నా. ప్రేక్షకుల స్పందన కోసం ఎదురు చూస్తున్నా’’.
‘‘బాలీవుడ్లో పనిచేస్తున్నప్పుడు అక్కడ నన్ను దక్షిణాదివాడు అనుకునేవారు కాదు. హృతిక్ రోషన్లా ఉన్నావనే ట్యాగ్ అయితే నాపై ఎప్పుడూ ఉంటుంది. హృతిక్ రోషన్ కాదు నేను, రోషన్ అంతే అని చెబుతుంటా. దక్షిణాది నుంచి వచ్చాను అని చెబితే అంతా ఆశ్చర్యపోయేవాళ్లు. ఇక్కడే కాదు, అక్కడ కూడా ఇలా ఉంటామని సరదాగా అనేవాణ్ని. వ్యక్తిగతంగా నాకు యాక్షన్ సినిమాలంటే ఇష్టం. అందుకు తగ్గట్టుగా నన్ను నేను సిద్ధం చేసుకున్నా. అయితే అన్ని రకాల సినిమాల్లోనూ నటించాలి, నటుడిగా నన్ను నేను నిరూపించుకోవాలనే తపన ఉంది. క్రికెట్లో నేను ఆల్రౌండర్ని. సినిమాల్లో కూడా అలాగే పిలిపించుకోవాలని ఉంది. ప్రస్తుతానికి నా దృష్టంతా సినిమాలపైనే కానీ... నెలకోసారైనా క్రికెట్ ఆడకపోతే ఏదో కోల్పోయినట్టు ఉంటుంది’’.
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
-
నా జీవితంలో ఇదే రిస్కీ సినిమా
‘క్రూ’.. ఇటీవలే విడుదలైన ఈ సినిమాతో మంచి విజయాన్ని తన ఖాతాలో వేసుకుంది బాలీవుడ్ భామ కృతిసనన్. ఇందులో ఎయిర్హోస్టెస్ పాత్రలో కనిపించి సినీప్రియుల్ని మెప్పించింది. -
ఆ విషయంలో అల్లరి నరేశ్ను పట్టుబట్టా: నాని
నరేశ్ హీరోగా తెరకెక్కిన కామెడీ ఫిల్మ్ ‘ఆ ఒక్కటీ అడక్కు’. ఈ సినిమా ట్రైలర్ ఈవెంట్లో నాని సందడి చేశారు. -
అలాంటి మాటలు చెప్పే అలవాటు లేదు
‘పొలిమేర’ సిరీస్ సినిమాలతో అందర్నీ మెప్పించి సత్తా చాటారు సత్యం రాజేశ్. ఇప్పుడాయన హీరోగా నటించిన చిత్రం ‘టెనెంట్’. వై.యుగంధర్ తెరకెక్కించిన ఈ సినిమాని మోగుళ్ల చంద్రశేఖర్ రెడ్డి నిర్మించారు. -
చరణ్, జాన్వీ ‘జగదేక వీరుడు అతిలోక సుందరి’ సీక్వెల్ చేయాలన్నది నా కల: చిరంజీవి
‘జగదేక వీరుడు అతిలోక సుందరి’ రెండో భాగంలో రామ్చరణ్, జాన్వీకపూర్ కలిసి నటిస్తే చూడాలన్నది తన కల అని, దానికోసం ఎదురుచూస్తున్నానని అగ్ర కథానాయకుడు చిరంజీవి (Chiranjeevi) అన్నారు. -
హీరో ఒక్కడే థియేటర్లలోకి రప్పించలేడు
‘సినిమాలో పెద్ద హీరో ప్రధాన పాత్రధారిగా ఉన్నంతమాత్రాన ప్రేక్షకుడిని థియేటర్లలోకి రప్పించలేం. కథే సిసలైన హీరో’ అంటోంది కృతి సనన్. -
ఆ అవకాశం ఉంటే చెన్నై వదిలి ఇక్కడే సినిమాలు చేస్తా!
వైవిధ్యభరితమైన థ్రిల్లర్ కథలకు చిరునామాగా నిలుస్తుంటారు విజయ్ ఆంటోని. ఇప్పుడాయన తొలిసారి రొమాంటిక్ జానర్లో ‘లవ్ గురు’ అనే చిత్రం చేశారు. ఆయన స్వయంగా నిర్మించిన ఈ సినిమాని వినాయక్ వైద్యనాథన్ తెరకెక్కించారు. -
ఆ దిగ్గజ నటుడు నాకు ఆరాధ్య దైవంతో సమానం: మురళీ మోహన్
సినీ నటుడు మురళీ మోహన్ తాజాగా ‘ఆలీతో సరదాగా’లో పాల్గొన్నారు. ఆయన జీవితంలోని కొన్ని ఆసక్తికర అంశాలను పంచుకున్నారు. -
ఆ మాటలతోనే స్టార్నయ్యా.. ఇప్పటికీ షాంపూ బాటిల్లో నీళ్లు పోసి వాడుతుంటా!: చిరంజీవి
కెరీర్ పరంగా తాను ఎదుర్కొన్న సవాళ్లు, తన కుటుంబం, పొదుపుపై ఆసక్తికర వ్యాఖ్యలు చేశారు అగ్ర కథానాయకుడు చిరంజీవి (Chiranjeevi). -
చిరంజీవితో ఆ పాటకు డ్యాన్స్ వేయడం కష్టంగా అనిపించింది: రాధ
నటి రాధ ‘ఆలీతో సరదాగా’ కార్యక్రమానికి హాజరయ్యారు. ఆమె కెరీర్కు సంబంధించిన ఆసక్తికర విషయాలు పంచుకున్నారు. -
Prithviraj Sukumaran: అందుకు మలయాళ ఇండస్ట్రీ నాపై అసూయ పడిందేమో: పృథ్వీరాజ్ సుకుమారన్
తన కొత్త సినిమా ‘ఆడుజీవితం’ ప్రచారంలో భాగంగా హైదరాబాద్కు వచ్చారు మలయాళ నటుడు పృథ్వీరాజ్ సుకుమార్. ఆ చిత్రం గురించి పలు విశేషాలు పంచుకున్నారు. -
alitho saradaga: డబ్బులు అడుగుతానేమోనని కొందరు తప్పించుకు తిరిగేవాళ్లు: పుల్లెల గోపీచంద్
ప్రముఖ బ్యాడ్మింటన్ కోచ్ పుల్లెల గోపీచంద్ ఆలీతో సరదాగా కార్యక్రమానికి వచ్చారు. చాముండేశ్వర నాథ్తో కలిసి ఆయన చెప్పిన సంగతులేంటంటే.. -
Anupama Parameswaran: అందుకు బోర్ ఫీలయ్యా.. గ్లామర్ డోస్పై స్పందించిన అనుపమ
సిద్ధు జొన్నలగడ్డ, అనుపమ జంటగా నటించిన చిత్రం ‘టిల్లు స్క్వేర్’. ఈ సినిమా సాంగ్ లాంచ్ ఈవెంట్లో హైదరాబాద్లో జరిగింది. -
Priyadarshi: స్వచ్ఛమైన హాస్యంతో సినిమా ఓ పెద్ద సవాల్
‘‘కథానాయకుడు అనగానే ఒక ప్రత్యేకమైన ఇమేజ్కి పరిమితం చేసినట్టు ఉంటుంది. స్వేచ్ఛగా ఉండలేను. నన్ను నేను ఓ నటుడిగా చూసుకోవడానికే ఇష్టపడతా’’ అన్నారు ప్రియదర్శి. -
Sivaji: ఆలీ అన్నా.. దయచేసి ఎన్నికల్లో పోటీ చేయొద్దు: శివాజీ
ఇప్పటి రోజుల్లో రాజకీయాలు వ్యాపారంగా మారాయన్నారు నటుడు శివాజీ. డబ్బులు ఖర్చుపెట్టడంతోపాటు వివిధ మార్గాల్లో ఆ మొత్తాన్ని తిరిగి లాక్కొనేవారికే పాలిటిక్స్ సెట్ అవుతాయన్నారు. -
Allari Naresh: ‘ఆ ఒక్కటీ అడక్కు’ టైటిల్.. ఆ ఉద్దేశంతో పెట్టలేదు : అల్లరి నరేశ్
నరేశ్ హీరోగా రూపొందిన తాజా చిత్రం ‘ఆ ఒక్కటీ అడక్కు’. ఈ సినిమా టీజర్ లాంచ్ ఈవెంట్లో నరేశ్ పాల్గొని సందడి చేశారు. -
Raghu Karumanchi: స్టాక్మార్కెట్.. రూ.కోట్లలో నష్టపోయా: రఘు
ఈటీవీలో ప్రసారమవుతోన్న సెలబ్రిటీ టాక్ షో ‘చెప్పాలని ఉంది’ (Cheppalani Vundi). బాలాదిత్య వ్యాఖ్యాతగా వ్యవహరిస్తోన్న ఈ కార్యక్రమంలో తాజాగా టాలీవుడ్ హాస్యనటుడు రఘు కారుమంచి (Raghu Karumanchi) పాల్గొన్నారు. తన కెరీర్ విశేషాలు పంచుకున్నారు. -
Akash Puri: అప్పటి వరకు నాన్న దర్శకత్వంలో నటించను: ఆకాశ్ పూరి
తన తండ్రి పూరి జగన్నాథ్ దర్శకత్వంలో ప్రస్తుతానికి నటించాలనుకోవడంలేదని నటుడు ఆకాశ్ తెలిపారు. హైదరాబాద్లో నిర్వహించిన ప్రెస్మీట్లో ఆయన మాట్లాడారు. -
Suhaas: రూ.3 కోట్ల రెమ్యూనరేషన్.. సుహాస్ ఏమన్నారంటే!
తాజాగా ‘ప్రసన్నవదనం’ టీజర్ లాంచ్ ఈవెంట్ జరిగింది. ఇందులో సుహాస్ తన రెమ్యూనరేషన్పై స్పందించారు. -
Gopichand: ఆ పిల్లల చదువుకు సాయం చేస్తున్నా.. చెప్పకపోవడానికి కారణమదే: గోపీచంద్
ప్రముఖ హాస్యనటుడు ఆలీ వ్యాఖ్యాతగా ఈటీవీ వేదికపై విశేష ఆదరణ సొంతం చేసుకున్న సెలబ్రిటీ టాక్ షో ‘ఆలీతో సరదాగా’ (Alitho Saradaga). ఈ షో సెకండ్ సీజన్ తాజాగా మొదలైంది. తొలి ఎపిసోడ్కు గోపీచంద్ (Gopichand) అతిథిగా విచ్చేశారు. -
Gopichand: భీమా ప్రేక్షకుల మదిలో నిలిచిపోయే పాత్ర: గోపీచంద్
భీమా ప్రమోషన్స్లో భాగంగా హీరో గోపీచంద్ ఇటీవల ఓ ఇంటర్వ్యూలో మాట్లాడారు. -
మూఢ నమ్మకాలు లేని దెయ్యం సినిమా ‘వళరి’
‘హారర్ సినిమాల సంఖ్య తగ్గుతున్న సమయంలో.. ఆ లోటును ‘వళరి’ చిత్రం తీర్చేయడానికి త్వరలో రాబోతుంది’ అంటున్నారు దర్శకురాలు మ్రితికా సంతోషిణి. దర్శకురాలిగా ఆమె రూపొందించిన తొలి చిత్రమిది. రితికా సింగ్, శ్రీరామ్ ప్రధాన పాత్రల్లో నటించారు.
తాజా వార్తలు (Latest News)
-
నేటి రాశి ఫలాలు.. 12 రాశుల ఫలితాలు ఇలా... (26/04/24)
-
ముయిజ్జు పార్టీకి ‘సూపర్ మెజార్టీ’.. భారత్ స్పందనిదే...
-
బంగ్లాదేశ్ను చూసి సిగ్గు పడుతున్నాం - పాకిస్థాన్ ప్రధాని
-
ప్రీమియర్ షోలో మెరిసిన తారలు.. అలియా అలా.. రష్మిక ఇలా..
-
ఎట్టకేలకు తెలుగులో ‘OMG2’.. స్ట్రీమింగ్ ఎక్కడంటే?
-
‘హీరామండీ’తో నా కల నెరవేరింది: సోనాక్షి సిన్హా