Runway 34: ‘రన్‌వే 34’ టీజర్‌ చూశారా?

ఇంటర్నెట్‌డెస్క్‌: బాలీవుడ్‌లో మరో ఆసక్తికర చిత్రం ప్రేక్షకులను అలరించడానికి రానుంది. అగ్ర కథానాయకులు అమితాబ్‌ బచ్చన్‌, అజయ్‌ దేవగణ్‌ ప్రధాన పాత్రల్లో నటిస్తున్న ఆ చిత్రమే ‘రన్‌వే 34’. రకుల్‌ప్రీత్‌ సింగ్‌ కీలక పాత్రలో కనిపించనుంది. అజయ్‌ దేవగణ్‌ స్వీయదర్శకత్వంలో నిర్మిస్తున్నారు. 2015లో జరిగిన ఓ యథార్థ సంఘటన ఆధారంగా తెరకెక్కిస్తున్నారు. మంగళవారం ఈ చిత్ర టీజర్‌ను విడుదల చేశారు.  విమానయాన రంగం చుట్టూ తిరిగే ఈ కథలో అజయ్‌, రకుల్‌ పైలట్లుగా, అమితాబ్‌ విచారణాధికారిగా నటిస్తున్నట్లు తెలుస్తోంది. ఈద్‌ సందర్భంగా ఏప్రిల్‌ 29న విడుదల చేయనున్నారు.