Chor Bazaar: చూడగానే కళ్లు చెదిరి

ఆకాష్‌ పూరి కథానాయకుడిగా జీవన్‌ రెడ్డి తెరకెక్కించిన చిత్రం ‘చోర్‌ బజార్‌’. వీ.ఎస్‌.రాజు నిర్మిస్తున్నారు. గెహన సిప్పీ కథానాయిక. సురేష్‌ బొబ్బిలి స్వరాలందించారు. ఈ సినిమా త్వరలో ప్రేక్షకుల ముందుకు రానుంది. ఈ నేపథ్యంలోనే శనివారం ఈ చిత్ర రెండో గీతాన్ని విడుదల చేశారు. ‘‘అబ్బబ్బ అది ఏం పోరి.. చూడగానే కళ్లు చెదిరి..’’ అంటూ సాగుతున్న ఈ మెలోడీ పాటకు మిట్టపల్లి సురేందర్‌ సాహిత్యమందించగా.. రామ్‌ మిర్యాల ఆలపించారు. భాను నృత్యరీతులు సమకూర్చారు. పాటలో ఆకాష్‌తో పాటు సీనియర్‌ నటి అర్చన కనిపించారు. ‘‘విభిన్నమైన కథాంశంతో రూపొందుతోన్న చిత్రమిది. ఆకాష్‌ కనిపించే తీరు.. ఆయన పలికే సంభాషణలు కొత్తగా ఉంటాయి. త్వరలో సినిమాని విడుదల చేస్తాం’’ అంది చిత్రబృందం తెలిపింది.