Oke Oka Jeevitham: ఫిబ్రవరిలో ‘ఒకే ఒక జీవితం’

శర్వానంద్‌, రీతూ వర్మ జంటగా నటిస్తున్న చిత్రం ‘ఒకే ఒక జీవితం’. శ్రీ కార్తీక్‌ దర్శకుడు. డ్రీమ్‌ వారియర్‌ పిక్చర్స్‌పతాకంపై ఎస్‌ఆర్‌ ప్రభు, ఎస్‌ఆర్‌ ప్రకాష్‌బాబు సంయుక్తంగా నిర్మిస్తున్నారు. అక్కినేని అమల కీలక పాత్రలో నటిస్తున్నారు. ఈ సినిమాని ఫిబ్రవరిలో విడుదల చేయనున్నట్లు చిత్ర బృందం దీపావళి సందర్భంగా ప్రకటించింది. ఈ మేరకు ఓ కొత్త పోస్టర్‌ను అభిమానులతో పంచుకుంది. అమల ఓ గోడపై కూర్చొని ఉండగా.. శర్వానంద్‌, అతని తమ్ముడు ఆమె ఒడిలో తల పెట్టుకుని సేద తీరుతూ కనిపించారు. ‘‘సైన్స్‌ ఫిక్షన్‌ కథాంశంతో రూపొందుతోన్న ఫ్యామిలీ డ్రామా చిత్రమిది. శర్వాకు తల్లిగా అమల నటించారు. ఈ తల్లీ కొడుకుల అనుబంధం అన్ని వర్గాల ప్రేక్షకుల్ని కట్టిపడేస్తుంది’’ అని దర్శక నిర్మాతలు తెలియజేశారు. జేక్స్‌ బిజోయ్‌ ఈ సినిమాకి స్వరాలందించగా.. సుజిత్‌ సారంగ్‌ ఛాయా
గ్రాహకుడు.