Samanyudu: ‘సామాన్యుడు’ పోరు

విశాల్‌, డింపుల్‌ హయాతి జంటగా తు.పా.శరవణన్‌ తెరకెక్కించిన చిత్రం ‘సామాన్యుడు’. నాట్‌ ఏ కామన్‌మెన్‌.. అన్నది ఉపశీర్షిక. ఈ సినిమా ఈనెల 4న ప్రేక్షకుల ముందుకొస్తోంది. మంగళవారం ఈ చిత్ర స్నీక్‌ పీక్‌ను విడుదల చేశారు. రెండున్నర నిమిషాల నిడివి ఉన్న ఈ ప్రచార చిత్రంలో.. సినిమాలోని ఓ కీలక యాక్షన్‌ ఎపిసోడ్‌ను చూపించారు. ఎవరి కోసమో.. విశాల్‌ వెదుకుతున్నట్లు ఇందులో చూపించారు. ఈ స్నీక్‌ను తీర్చిదిద్దిన విధానాన్ని బట్టి.. ఇందులో యాక్షన్‌ ఏ స్థాయిలో ఉండనుందో అర్థమవుతోంది. ఈ చిత్రంలో యోగిబాబు, బాబురాజ్‌, మరిముత్తు తదితరులు కీలక పాత్రలు పోషించారు. యువన్‌ శంకర్‌ రాజా స్వరాలందించారు. కెవిన్‌ ఛాయాగ్రాహకుడిగా వ్యవహరించారు.