ఫస్ట్‌లుక్‌తో.. ‘అన్నాత్తే’

రజనీకాంత్‌ కథానాయకుడిగా దర్శకుడు శివ రూపొందిస్తున్న చిత్రం ‘అన్నాత్తే’. సన్‌పిక్చర్స్‌ సంస్థ నిర్మిస్తోంది. నయనతార, కీర్తి సురేష్‌, మీనా, ఖుష్బు తదితరులు ముఖ్య పాత్రలు   పోషిస్తున్నారు. ప్రస్తుతం తుది దశ చిత్రీకరణలో ఉంది. ఈ చిత్ర ఫస్ట్‌లుక్‌ను వినాయక చవితి సందర్భంగా శుక్రవారం ఉదయం 11గంటలకు, మోషన్‌ పోస్టర్‌ను సాయంత్రం 6గంటలకు   విడుదల చేయనున్నట్లు చిత్ర బృందం ప్రకటించింది. ఈ మేరకు గురువారం సామాజిక   మాధ్యమాల వేదికగా ఓ ప్రీలుక్‌ను విడుదల చేశారు. ఆ పోస్టర్‌లో రజనీ విలాసవంతమైన భవనాలున్న ప్రాంతానికి ముందు గడ్డిలో నుంచొని కనిపించారు. బ్యాగ్రౌండ్‌లో ఓవైపు శూలాలు, మరో పక్క కొన్ని దేవుని ప్రతిమలు కనిపించాయి. విభిన్నమైన యాక్షన్‌ డ్రామా కథాంశంతో రూపొందుతోన్న ఈ సినిమా.. దీపావళి సందర్భంగా నవంబరు 4న ప్రేక్షకుల ముందుకు రానుంది. ఈ చిత్రానికి సంగీతం: డి.ఇమ్మాన్‌, కెమెరా: వెట్రి.