మారేడుమిల్లిలో హను-మాన్‌

తేజ సజ్జా హీరోగా ప్రశాంత్‌ వర్మ తెరకెక్కిస్తున్న చిత్రం ‘హను-మాన్‌’. ‘జాంబిరెడ్డి’ లాంటి విజయం తర్వాత ఈ ఇద్దరి కలయిక నుంచి వస్తున్న రెండో సినిమా ఇది. కె.నిరంజన్‌ రెడ్డి నిర్మిస్తున్నారు. ఈ చిత్రం ప్రస్తుతం మారేడుమిల్లి, పాడేరు ప్రాంతాల్లో చిత్రీకరణ జరుపుకొంటోందని చిత్ర బృందం ప్రకటించింది. ఈ మేరకు సెట్లోని కొన్ని స్టిల్స్‌ను సామాజిక మాధ్యమాల్లో పంచుకుంది. ఈ ఫొటోల్లో ప్రశాంత్‌ ఓ సన్నివేశం వివరిస్తుండగా.. తేజ ఆయన మాటలు శ్రద్ధగా వింటూ కనిపించారు. ప్రస్తుత షెడ్యూల్‌లో యాక్షన్‌ సీన్స్‌తో పాటు పాటలు చిత్రీకరించనున్నట్లు దర్శక నిర్మాతలు తెలియజేశారు.