వాస్తవ ఘటనలతో ‘కళాకార్‌’

కథానాయకుడు రోహిత్‌ చాలా విరామం తర్వాత చేస్తున్న చిత్రం ‘కళాకార్‌’. శ్రీను బందెల దర్శకత్వం వహిస్తున్నారు. ఏజీ అండ్‌ ఏజీ ఎంటర్‌టైన్‌మెంట్స్‌ పతాకంపై వెంకటరెడ్డి జాజాపురం నిర్మిస్తున్నారు. తొలిసారి రోహిత్‌ పోలీస్‌ అధికారి పాత్రలో నటిస్తున్న ఈ సినిమా టీజర్‌ని ప్రముఖ కథానాయకుడు ప్రభాస్‌ విడుదల చేశారు. ఈ సందర్భంగా రోహిత్‌ మాట్లాడుతూ ‘‘ప్రభాస్‌ టీజర్‌ విడుదల చేసినందుకు చాలా సంతోషంగా ఉంది. టీజర్‌ చూసి చాలా బాగుందని చెప్పార’’న్నారు. దర్శకుడు మాట్లాడుతూ ‘‘వాస్తవ సంఘటనల ఆధారంగా రూపొందించిన చిత్రమిది. ఈ చిత్రంతో కథానాయకుడిగా తన కెరీర్‌ని పునః ప్రారంభిస్తున్న రోహిత్‌ తప్పకుండా ప్రేక్షకుల్ని మెప్పిస్తాడు’’ అన్నారు. ‘‘సినిమా పూర్తయింది. దసరాకి విడుదల చేస్తాం’’ అన్నారు నిర్మాత.