అన్నాచెల్లెళ్ల కథ

నవీన్‌చంద్ర, అవికాగోర్‌ అన్నా చెల్లెళ్లుగా నటించిన చిత్రం ‘బ్రో’. సంజనసారథి, సాయి రోనక్‌ ప్రధాన పాత్రధారులు. కార్తీక్‌ తుపురాణి దర్శకత్వం వహిస్తున్నారు. జె.జె.ఆర్‌.రవిచంద్‌ నిర్మిస్తున్నారు. ఈ సినిమా లుక్‌ని కథానాయిక రష్మిక మందన్న విడుదల చేశారు. ఈ సందర్భంగా నిర్మాత మాట్లాడుతూ ‘‘అన్నాచెల్లెళ్ల నేపథ్యంలో సాగే ఓ ఫాంటసీ చిత్రమిది. భావోద్వేగాలకి ప్రాధాన్యం ఉంది. బలమైన కథ, పాత్రలు కావడంతో... నవీన్‌చంద్ర, అవికాగోర్‌ అన్నాచెల్లెళ్లుగా నటించారు. విశాఖతోపాటు పలు అందమైన ప్రదేశాల్లో చిత్రీకరణ చేశాం. ప్రస్తుతం నిర్మాణానంతర కార్యక్రమాలు జరుగుతున్నాయి. త్వరలోనే ప్రేక్షకుల ముందుకు తీసుకొస్తాం’’ అన్నారు. ఛాయాగ్రహణం: అజీమ్‌ మహ్మద్‌, సంగీతం: శేఖర్‌చంద్ర, కళ: ఎ.ఎస్‌.ప్రకాష్‌.