ఆలోచన రేకెత్తించే ‘రిపబ్లిక్‌’

సాయితేజ్‌ హీరోగా దేవ్‌ కట్టా తెరకెక్కించిన చిత్రం ‘రిపబ్లిక్‌’. జీ స్టూడియోస్‌ పతాకంపై జె.భగవాన్‌, జె.పుల్లారావు సంయుక్తంగా నిర్మించారు. ఐశ్వర్య రాజేశ్‌ కథానాయిక. ఈ సినిమా సెన్సార్‌ కార్యక్రమాలు పూర్తి చేసుకున్నట్లు చిత్ర బృందం శనివారం ప్రకటించింది. ఈ సినిమాని అక్టోబరు 1న ప్రేక్షకుల ముందుకు తేనున్నారు. ఈ నేపథ్యంలో ఓ కొత్త పోస్టర్‌ను విడుదల చేశారు. ఆ ప్రచార చిత్రంలో సాయితేజ్‌ టోపి పెట్టుకుని సీరియస్‌గా చూస్తూ కనిపించారు.

* ఇటీవల ప్రమాదంలో గాయపడిన సాయితేజ్‌ ప్రస్తుతం స్పృహలోకి వచ్చారని, వెంటిలేటర్‌ తొలగించామని ఆసుపత్రి వర్గాలు తెలిపాయి.