వాడీ‘జోడీ’ చర్చలు

వరుసగా నాలుగు సినిమాల పనులతో బిజీగా గడుపుతున్న అగ్ర కథానాయకుడు చిరంజీవి. ‘ఆచార్య’ని తుదిదశకు చేర్చిన ఆయన... ఇప్పుడు మిగతా మూడు సినిమాలపై దృష్టి కేంద్రీకరించారు. ‘గాడ్‌ఫాదర్‌’ కోసం రంగంలోకి దిగారు. ‘భోళాశంకర్‌’తోపాటు బాబీ దర్శకత్వం వహించనున్న సినిమా పట్టాలెక్కనున్నాయి. చిరుకి జోడీగా నటించే కథానాయికలకి సంబంధించిన ఆసక్తికరమైన విషయాలు వెలుగులోకి వచ్చాయి. ‘భోళాశంకర్‌’లో చిరంజీవికి చెల్లెలుగా కీర్తిసురేశ్‌ నటిస్తున్న సంగతి తెలిసిందే. అందులో కథానాయికగా తమన్నా ఎంపికైనట్టు తెలిసింది. ‘గాడ్‌ఫాదర్‌’ విషయంలోనూ పలువురు పేర్లు వినిపించినా, అందులో చిరుకి జోడీగా కథానాయిక కనిపించదట. ఇక బాబీ  దర్శకత్వం వహించనున్న సినిమా కోసం ఇప్పటికే బాలీవుడ్‌ భామ సోనాక్షి సిన్హాని సంప్రదించిన విషయం తెలిసిందే. మరి ఆమెనే ఖాయమవుతుందా? అన్నది తెలియాలంటే సినిమా పట్టాలెక్కేవరకు ఆగాల్సిందే.