కురిసెనంట మురిపాల వాన...

మధురా నగరిలో యమునా తటిలో... మురళీ స్వరములే ముసిరిన ఎదలో... కురిసెనంట మురిపాల వాన... అంటూ పాడుకుంటోంది ఓ ప్రేమజంట. ఆ కథేమిటో తెలియాలంటే ‘పెళ్లిసందడి’ చూడాల్సిందే. కె.రాఘవేంద్రరావు దర్శకత్వ పర్యవేక్షణంలో రోషన్‌, శ్రీలీల జంటగా తెరకెక్కిన చిత్రమిది. గౌరి రోణంకి దర్శకత్వం వహిస్తున్నారు. మాధవి కోవెలమూడి, శోభు యార్లగడ్డ, ప్రసాద్‌ దేవినేని నిర్మిస్తున్నారు. దసరా సందర్భంగా సినిమాని ప్రేక్షకుల ముందుకు తీసుకు రానున్నారు. ఈచిత్రంలోని ‘యమునా నగరిలో..’ అంటూ సాగే పాటని ప్రముఖ కథానాయకుడు రవితేజ విడుదల చేశారు. ‘‘మధురా నగరిలో...  లిరికల్‌ గీతం ఆకట్టుకొంటోంది. చంద్రబోస్‌ రచించిన ఈ గీతానికి ఎమ్‌.ఎమ్‌.కీరవాణి స్వరాలందించగా, శ్రీనిధి, నయనా నాయర్‌, కాలభైరవ ఆలపించార’’ని చిత్ర వర్గాలు తెలిపాయి.