Surya: ‘వాడివాసల్‌’ సన్నాహాలు

ఇటీవలే ‘ఈటి’ సినిమాతో ప్రేక్షకుల ముందుకొచ్చారు కథానాయకుడు సూర్య. ఇప్పుడాయన ‘వాడివాసల్‌’ కోసం రంగంలోకి దిగారు. వెట్రిమారన్‌ దర్శకత్వంలో రూపొందుతోన్న చిత్రమిది. సిఎస్‌.చెలప్ప రాసిన ‘వాడివాసల్‌’ అనే నవల ఆధారంగా రూపొందుతోంది. ఈ సినిమా టెస్ట్‌ షూట్‌ చెన్నైలోని ఈసీఆర్‌లో ప్రారంభమైంది. ఇందులో భాగంగా సూర్యపై పలు సన్నివేశాలు చిత్రీకరించారు. ఈ షూట్‌కు సంబంధించిన ఫొటోలు ప్రస్తుతం సామాజిక మాధ్యమాల్లో సందడి చేస్తున్నాయి. జల్లికట్టు ఆట చుట్టూ అల్లుకున్న ఆసక్తికర కథాంశంతో ఈ చిత్రం రూపొందనుంది. పూర్తిగా గ్రామీణ నేపథ్యంలో సాగనుంది. జులై నుంచి రెగ్యులర్‌ చిత్రీకరణ ప్రారంభమవుతుంది. ఈ సినిమాకి అనిరుధ్‌ స్వరాలు సమకూరుస్తున్నారు.