విరామం తర్వాతే...

కొంచెం విరామం కావాలంటోంది కథానాయిక సమంత. సినిమాలు... వెబ్‌సిరీస్‌తో తీరిక లేకుండా గడుపుతున్న ఆమె ఇటీవలి కాలంలో కొత్త ప్రాజెక్టులేవీ ఒప్పుకోలేదు. ‘శాకుంతలం’తోపాటు తమిళంలో చేస్తున్న సినిమానీ పూర్తి చేసింది. ప్రభాస్‌, ఎన్టీఆర్‌, పవన్‌కల్యాణ్‌ సినిమాల విషయంలో ఆమె పేరు ప్రచారంలోకి వచ్చింది. కానీ సమంత మాత్రం ‘నటులకి అప్పుడప్పుడు విరామం చాలా అవసరం అని... ఈ 11 ఏళ్లలో ఎప్పుడూ విరామం తీసుకోలేదని, సెలవులు గడిపాకే కొత్త చిత్రాల గురించి ఆలోచిస్తాన’ని చెబుతోంది. ‘ఫ్యామిలీమేన్‌ 2’లో ఆమె నటనకి ప్రేక్షకుల ప్రశంసలే కాదు, పురస్కారాలు కూడా దక్కుతున్నాయి. ఆ ఆనందాన్ని ఇటీవల బాలీవుడ్‌ మీడియా సంస్థలతో పంచుకుంది సమంత. ఈ 11 యేళ్ల కెరీర్‌లో నటిగానే కాకుండా... వ్యక్తిగా ఎంతో ఎదిగానని చెప్పుకొచ్చింది సమంత.