Rajinikanth:అదే ఎస్పీబీ ఆఖరి పాటనుకోలేదు

- రజనీకాంత్‌

తన తియ్యని స్వరం రూపంలో ఎస్పీ బాలసుబ్రహ్మణ్యం ఎప్పటికీ జీవించే ఉంటారని ప్రముఖ కథానాయకుడు రజనీకాంత్‌ అన్నారు. ఆయన హీరోగా శివ దర్శకత్వంలో తెరకెక్కిన చిత్రం ‘అన్నాత్త’. సన్‌పిక్చర్స్‌ నిర్మించిన ఈ చిత్రంలో నయనతార, కీర్తిసురేష్‌, మీనా, ఖుష్బూ తదితరులు నటించారు. ఇమాన్‌ సంగీతం సమకూర్చారు. ఈ సినిమా సింగల్‌ట్రాక్‌ సోమవారం విడుదలైంది. ఎస్పీ బాలు ఈ పాటను పాడారు. ఆయన పాడిన చివరిపాట ఇదే కావడం విశేషం. ఈ సందర్భంగా రజనీకాంత్‌ ఓ ట్వీట్‌ చేశారు. ‘‘45 ఏళ్ల పాటు ఎస్పీబీ నా స్వరంగా జీవించారు. ‘అన్నాత్త’లో నా కోసం ఆయన పాడిన పాటే ఆఖరి పాట అవుతుందని నేను కలలో కూడా ఊహించలేదు’’ అని అన్నారు.

- న్యూస్‌టుడే, కోడంబాక్కం