#SBSB షూటింగ్‌ పూర్తి.. ‘గమనం’లో శ్రియ..!

హీరో సాయిధరమ్‌ తేజ్‌ తన తదుపరి సినిమా ‘సోలో బ్రతుకే సో బెటర్‌’ షూటింగ్‌ను శుక్రవారం పూర్తి చేసుకున్నారు. సుబ్బు దర్శకత్వం వహిస్తున్న ఈ సినిమాలో సాయితేజ్‌కు జంటగా నభా నటేశ్‌ సందడి చేయనున్నారు.

*‘సోలోబ్రతుకే సో బెటర్‌’ చిత్రానికి తమన్‌ సంగీత దర్శకుడిగా వ్యవహరిస్తున్నారు. ఇప్పటికే ఈ సినిమాలోని రెండు పాటలతో ప్రేక్షకులను మెప్పించిన తమన్‌ త్వరలోనే ఈ చిత్రం నుంచి మూడో పాటతో అలరిస్తానని చెప్పారు.

*శ్రియ ప్రధాన పాత్రలో తెరకెక్కనున్న చిత్రం ‘గమనం’. సుజనారావు రూపొందిస్తున్నారు. శ్రియ పుట్టినరోజు సందర్భంగా ఈ సినిమా ఫస్ట్‌లుక్‌ను దర్శకుడు క్రిష్‌ చేతుల మీదుగా చిత్రబృందం విడుదల చేసింది.

*నివేదా థామస్‌, సుధీర్‌బాబు కలిసి నటించిన చిత్రం ‘వి’. మోహన్‌కృష్ణ ఇంద్రగంటి దర్శకత్వం వహించిన ఈ సినిమా ఇటీవల విడుదలయ్యింది. దర్శకుడు మోహన్‌కృష్ణ, సినిమాటోగ్రాఫర్‌ పి.జి.విందాతో దిగిన ఓ ఫొటోను ఆమె తాజాగా అభిమానులతో పంచుకున్నారు.

*విజయ్‌ సేతుపతి, ఐశ్వర్య రాజేశ్‌ జంటగా కనిపించనున్న చిత్రం ‘కాపే రణసింగం’. లాక్‌డౌన్‌ కారణంగా ఈ చిత్రాన్ని ఓటీటీ వేదికగా ప్రేక్షకుల ముందుకు తీసుకురానున్నట్లు విజయ్‌ సేతుపతి తెలిపారు. జీఫ్లిక్స్‌ వేదికగా ఐదు భారతీయ భాషల్లో ఈసినిమా విడుదల కానుంది.