ఈ వర్చువల్‌ రియాలిటీ ఏదైతే ఉందో..సూపర్‌

రానా-మిహీకాకు ప్రముఖుల శుభాకాంక్షలు

ఇంటర్నెట్‌డెస్క్‌: రానా దగ్గుబాటి, మిహీకా బజాజ్‌ మెడలో మూడు ముళ్లు వేయడంతో పలువురు ప్రముఖులు నూతన దంపతులకు శుభాకాంక్షలు చెప్పారు. కరోనా పరిస్థితుల వల్ల కొద్ది మంది బంధుమిత్రుల సమక్షంలోనే శనివారం రాత్రి రామానాయుడు స్టూడియోలో ఈ వేడుక కనులపండువగా నిర్వహించారు. అయితే, పెళ్లికి హాజరుకాని వారికోసం దగ్గుబాటి కుటుంబం వినూత్నంగా వర్చువల్‌ రియాలిటీ కిట్లను అందజేసింది. దాంతో ఎవరైనా ఆ వివాహాన్ని లైవ్‌లో తిలకించాలంటే ఉన్న చోటు నుంచే ఆ కిట్లను కళ్లకు ధరిస్తే ఆ వేడుకలో ప్రత్యక్షంగా తామున్నట్లు అనుభూతి కలుగుతుంది. చాలా మంది ప్రముఖులు ప్రత్యక్షంగా హాజరుకాకపోవడంతో దగ్గుబాటి కుటుంబం తమ బంధుమిత్రులకు ఈ విధంగా అవకాశం కల్పించింది. ఇక పెళ్లికి మెగా కుటుంబం నుంచి రామ్‌చరణ్‌, ఉపాసన హాజరయ్యారు. అలాగే అక్కినేని కుటుంబసభ్యులు కూడా పాల్గొన్నారు. మిగతా సినీ ప్రముఖులు ఇళ్ల నుంచే ప్రత్యక్షంగా వీక్షించారు.