Published : 22/02/2021 01:14 IST

మెగాహీరోల కోసం తరలి వచ్చిన అభిమానులు

ఇంటర్నెట్‌ డెస్క్‌: మెగా హీరోలను తెరపై చూస్తేనే ఈలలు వేసి గోల చేస్తారు అభిమానులు. అలాంటిది ఆ అభిమాన హీరోలు తమ ప్రాంతానికి వస్తున్నారంటే ఎలా ఉంటుంది.! ఇటీవల రాజమండ్రిలో జరిగిన ‘ఉప్పెన’ విజయోత్సవ సభలో రామ్‌చరణ్‌ మాట్లాడుతూ.. ప్రస్తుతం ఇక్కడే ‘ఆచర్య’ షూటింగ్‌ జరుగుతోందని ఓ హింట్‌ ఇచ్చాడు. తాజాగా.. ఆ సినిమా చిత్రీకరణ కోసం మెగాస్టార్‌ చిరంజీవి రాజమండ్రి వెళ్లారు. ఈ విషయం తెలుసుకున్న అభిమానులు ఆయనకు పూల వర్షంతో ఘన స్వాగతం పలికారు. భారీగా తరలివచ్చిన అభిమానులను చూసిన మెగాస్టార్‌ తన కారు నుంచి బయటికి వచ్చి అందరికీ అభివాదం చేశారు. కొరటాల శివ దర్శకత్వంలో వస్తున్న ఈ సినిమాలో రామ్‌చరణ్‌ కీలక పోషిస్తున్న విషయం తెలిసిందే.

ఇదిలా ఉండగా.. మరో మెగా హీరో సాయిధరమ్‌ తేజ్‌ నటిస్తున్న చిత్రం ‘రిపబ్లిక్‌’. దేవకట్ట దర్శకత్వంలో తెరకెక్కుతోంది. టైటిల్‌తోనే ఆ చిత్రంపై అందరిలో ఆసక్తి రెట్టింపయింది. కాగా.. ఈ సినిమా చిత్రీకరణ నాగార్జున సాగర్‌ సమీపంలోని దేవరకొండలో జరుగుతోంది. ఈ విషయం తెలుసుకున్న అభిమానులు అక్కడికి పెద్ద సంఖ్యలో చేరుకున్నారు. తన అభిమాన హీరో సాయితేజ్‌తో సెల్ఫీలు దిగేందుకు పోటీ పడ్డారు. ఈ సినిమాలో హీరోయిన్‌గా ఐశ్వర్యరాజేశ్‌ కనిపించనుంది. జగపతిబాబు, రమ్యకృష్ణ కీలక పాత్రలు పోషిస్తున్నారు. మణిశర్మ సంగీతం అందించనున్నారు.



Read latest Movies News and Telugu News

 Follow us on Facebook, Twitter, Instagram, Koo, ShareChat and Google News. Subscribe our Telegram Channel.

Advertisement

Tags :

మరిన్ని

జిల్లా వార్తలు

బిజినెస్

మరిన్ని

క్రీడలు

మరిన్ని

పాలిటిక్స్

మరిన్ని

వెబ్ ప్రత్యేకం

మరిన్ని

జాతీయం

మరిన్ని

జనరల్

మరిన్ని