99Songs Review: రివ్యూ: 99 సాంగ్స్
ఏఆర్ రెహమాన్ కథతో తెరకెక్కిన ‘99 సాంగ్స్’ ఎలా ఉంది?
చిత్రం: 99 సాంగ్స్; నటీనటులు: ఇహాన్ భట్, ఎడిల్సీ వర్గస్, ఆదిత్య సియోల్, మనీషా కొయిరాలా, లీసా రే, టెంజిన్ డల్హ, థామస్ ఆండ్రూస్ తదితరులు; సంగీతం, కథ: ఎ.ఆర్.రెహమాన్; ఛాయాగ్రహణం: తనయ్, జేమ్స్ కౌలీ, కూర్పు: అక్షయ్ మెహతా, శ్రేయాస్.బి; స్క్రీన్ప్లే, దర్శకత్వం: విశ్వేష్ కృష్ణమూర్తి; సంస్థ: ఐడియల్ ఎంటర్టైన్మెంట్, వై.ఎమ్.మూవీస్; విడుదల: జియో స్టూడియోస్; విడుదల తేదీ: 16-04-2021
ఆస్కార్ విజేత ఎ.ఆర్.రెహమాన్. ఆయన పేరు చెప్పగానే మొదట గుర్తుకొచ్చేది సంగీతమే. అయితే రెహమాన్లో కేవలం సంగీత దర్శకుడే కాదు, మంచి కథకుడు కూడా ఉన్నారు. ఆయన కథతోనే ‘99 సాంగ్స్’ చిత్రం రూపొందింది. ఈ చిత్రానికి నిర్మాత కూడా రెహమానే. 99 సాంగ్స్ పేరుతో ఆయన సినిమాని ప్రకటించగానే అందరిలోనూ ఈ చిత్రంపై ప్రత్యేకమైన ఆసక్తి ఏర్పడింది. ఇప్పటికే ప్రపంచంలోని పలు చిత్రోత్సవాల్లో ప్రదర్శితమైన ఈ సినిమా... కాస్త ఆలస్యంగా భారతీయ ప్రేక్షకుల ముందుకొచ్చింది. తెలుగుతో పాటు పలు భాషల్లో విడుదలైన ఈ చిత్రం ఎలా ఉంది? అసలు కథేంటి?
కథేంటంటే: జై (ఇహాన్భట్)కి చిన్నప్పట్నుంచి సంగీతంపై మక్కువ. కానీ, అతని తండ్రికి సంగీతంపై సదాభిప్రాయం ఉండదు. సంగీతం మన జీవితాల్నే నాశనం చేసిందని చెబుతూనే తన కొడుకుని పెంచి పెద్ద చేస్తాడు. కానీ, తండ్రి మాటలు పెడచెవిన పెట్టిన జై పెద్దయ్యాక సంగీతం వైపే వెళతాడు. ఈ క్రమంలో అతను సోఫీ (ఎడిల్సీ వర్గస్) అనే యువతి ప్రేమలో పడతాడు. ఆమె తండ్రి పేరున్న వ్యాపారవేత్త. సంగీతానికి సంబంధించిన వ్యాపారాన్ని అప్పజెబుతానని, అందుకు ఒప్పుకుంటే తన కూతురుని ఇస్తానని చెబుతాడు. కానీ, సంగీతాన్ని వ్యాపారంలా చూడటం తనకి ఇష్టం లేదని, ఒక్క పాట ప్రపంచాన్ని మార్చేస్తుందని చెబుతాడు. ఒక్క పాట కాదు... వంద పాటలు చెయ్ , వాటితో ఏం మారుస్తావో చూస్తా అంటూ సవాల్ విసురుతాడు సోఫీ తండ్రి. అలా పాటల ప్రయాణం మొదలుపెట్టిన జైకి జీవితంలో ఎలాంటి ఆటుపోట్లు ఎదురయ్యాయి. అతను అనుకున్నట్టుగా తాను చేసిన ఆ ఒక్క పాట ఎవరిపై ఎలాంటి ప్రభావం చూపించింది? తదితర విషయాలు తెలియాలంటే సినిమా చూడాల్సిందే.
ఎలా ఉందంటే: ‘చూపు కంటే కూడా అనుభూతి గొప్పది. అనుభూతిని పంచే ఓ గొప్ప శక్తి సంగీతానికి ఉంది’.. ‘ప్రపంచంలో మిగిలిన ఒకే ఒక్క మేజిక్... మ్యూజిక్’ - ఈ తరహా సంభాషణలు సినిమాలో వినిపిస్తాయి. ఆ మాటలు నిజమే కానీ... సంగీతం నేపథ్యంలో సాగే ఈ కథ మాత్రం ప్రేక్షకులకు పెద్దగా అనుభూతిని పంచకుండానే ముగుస్తుంది. ఒక ప్రేమ జంట నేపథ్యంలో సాగే కథ ఇది. ఆ జంటని విధి ఎలా విడదీసింది? మళ్లీ ఎలా కలిపిందనే విషయాల్ని సంగీతంతో ముడిపెట్టిన తీరు మెప్పిస్తుంది. ఎ.ఆర్.రెహమాన్ సంగీతంపై ప్రేమని చాటుతూ, ఆ నేపథ్యంలో ఓ మంచి కథనే రాసుకున్నారు. అయితే ఆ కథకి తగ్గట్టుగా కథనం లేకపోవడంతో సినిమా ఏ దశలోనూ ఆసక్తిని రేకెత్తించదు. ఆరంభం, ప్రేమ జంట మధ్య ఎడబాటు, షిల్లాంగ్లో సంగీత సాధన వరకూ పర్వాలేదనిపించినా... ఆ తర్వాత కథలో బలం తగ్గింది. కొన్ని సన్నివేశాలు గందరగోళాన్ని రేకెత్తిస్తాయి.
కథానాయకుడి తండ్రి సంగీతం మన జీవితాల్ని నాశనం చేసిందని చెప్పే మాటలు తరచూ వినిపిస్తుంటాయి. దానికి ఫ్లాష్ బ్యాక్లో మరో బలమైన కథేమైనా ఉందేమో అనుకుంటారంతా. కానీ, ఆ సన్నివేశాలు చాలా చప్పగా, ఏ మాత్రం భావోద్వేగాల్ని పంచకుండా సాగుతాయి. చివర్లో కథని మలుపు తిప్పే పాట ఒకటి ఉంటుంది. అందులోనైనా మేజిక్ కనిపిస్తుందేమో అని చూస్తే, ఆ పాటలో భావం తప్ప సంగీతంతో జోష్ తెచ్చిందేమీ లేదు. దాంతో పతాక సన్నివేశాలు కూడా సాదాసీదా ముగుస్తాయి. కళాత్మకత ఉట్టిపడే సన్నివేశాలు... కొన్ని వినసొంపైన గీతాలు, నేపథ్య సంగీతంతో కొన్ని చోట్ల మెరుపులు కనిపిస్తాయంతే. ‘జాతీయ గీతం ఉంటుంది తప్ప... జాతీయ ప్రసంగం ఉండదు కదా’ అంటూ సంగీతం గొప్పదనం గురించి చెప్పిన మాటలు ఆకట్టుకుంటాయి.
ఎవరెలా చేశారంటే: కొత్త నటీనటులు ఇహాన్, ఎడిల్సీ చక్కటి అభినయం ప్రదర్శించారు. భావోద్వేగాల్ని పలికించడంలో అనుభవం ఉన్న నటుల్లా పాత్రల్లో ఇమిడిపోయారు. లీసారే, మనీషా కొయిరాలా తదితర ప్రధాన తారాగణం సినిమాలో ఉంది కానీ... నాయకానాయికలు, పోలో అనే స్నేహితుడి పాత్రకి మినహా మిగిలిన పాత్రలకి పెద్దగా ప్రాధాన్యం లేదు. సాంకేతికంగా సినిమా ఉన్నతంగా ఉంది. కెమెరా మేజిక్ చేసింది. రెహమాన్ సంగీతం చిత్రానికి మరో ఆకర్షణ. అయితే కీలకమైన సందర్భాల్లో వచ్చే పాటలు కూడా చప్పగా సాగడం సినిమాకి మైనస్. కథకుడిగా రెహమాన్కి మంచి మార్కులే పడతాయి. విశ్వేష్ కృష్ణమూర్తి కథనం పరంగా పెద్దగా ప్రభావం చూపించలేకపోయారు. కొన్ని సన్నివేశాల్లో మినహా ఫీల్ పండలేదు. నిర్మాణ విలువలు ఉన్నతంగా ఉన్నాయి. సంభాషణలు ఆకట్టుకుంటాయి.
బలాలు | బలహీనతలు |
+ కథా నేపథ్యం | - కథనం |
+ నాయకానాయికలు | - పతాక సన్నివేశాలు |
+ ప్రథమార్ధం |
చివరిగా: 99 సాంగ్స్... సంగీత ప్రణయగాథ
గమనిక: ఈ సమీక్ష సమీక్షకుడి దృష్టి కోణానికి సంబంధించింది. ఇది సమీక్షకుడి వ్యక్తిగత అభిప్రాయం మాత్రమే!
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
-
రివ్యూ: ఆర్టికల్ 370.. యామి గౌతమ్, ప్రియమణి నటించిన పొలిటికల్ థ్రిల్లర్ ఎలా ఉంది?
యామి గౌతమ్, ప్రియమణి నటించిన పొలిటికల్ థ్రిల్లర్ మెప్పించిందా? -
రివ్యూ: మై డియర్ దొంగ.. అభినవ్ గోమఠం నటించిన సినిమా ఎలా ఉందంటే?
అభినవ్ గోమఠం, శాలిని కొండెపూడి ప్రధాన పాత్రల్లో నటించిన చిత్రం ‘మై డియర్ దొంగ’. ఓటీటీ ‘ఆహా’లో విడుదలైన ఈ సినిమా రివ్యూ మీ కోసం.. -
రివ్యూ: సైరెన్.. జయం రవి, కీర్తి సురేశ్ యాక్షన్ థ్రిల్లర్ ఎలా ఉంది?
siren movie review: జయం రవి కథానాయకుడిగా ఆంటోనీ భాగ్యరాజా దర్శకత్వంలో వచ్చిన ‘సైరెన్’ మూవీ తెలుగులో మెప్పించిందా? -
రివ్యూ: పారిజాత పర్వం.. క్రైమ్ కామెడీ థ్రిల్లర్ ఎలా ఉంది?
Paarijatha Parvam Review; చైతన్యరావు, సునీల్, శ్రద్ధాదాస్ కీలక పాత్రల్లో నటించిన క్రైమ్ థ్రిల్లర్ మెప్పించిందా? -
రివ్యూ: ఆట్టం.. మలయాళ సస్పెన్స్ డ్రామా ఎలా ఉంది?
వినయ్, కళాభవన్ షాజాన్, జరీన్ షిహబ్ కీలక పాత్రల్లో నటించిన ‘ఆట్టం’ ఎలా ఉంది? -
రివ్యూ: డియర్.. భార్య గురకపెట్టే కాన్సెప్ట్తో రూపొందిన ఈ మూవీ మెప్పించిందా?
DeAr Movie 2024 Review: జీవీ ప్రకాష్కుమార్, ఐశ్వర్య రాజేశ్ కీలక పాత్రల్లో నటించిన ‘డియర్’ మూవీ మెప్పించిందా? -
రివ్యూ: శ్రీ రంగనీతులు.. సుహాస్, కార్తీక్ రత్నంల కొత్త మూవీ మెప్పించిందా?
sri ranga neethulu review: తాజాగా ప్రేక్షకుల ముందుకు వచ్చిన ‘శ్రీరంగ నీతులు’ మూవీ ఎలా ఉంది? -
రివ్యూ: బడే మియా ఛోటే మియా.. అక్షయ్, టైగర్ ష్రాఫ్ నటించిన యాక్షన్ థ్రిల్లర్ ఎలా ఉంది?
అలీ అబ్బాస్ జాఫర్ దర్శకత్వంలో అక్షయ్, టైగర్ ష్రాఫ్ కీలక పాత్రల్లో నటించిన ‘బడే మియా ఛోటే మియా’ మెప్పించిందా? -
రివ్యూ: గీతాంజలి మళ్ళీ వచ్చింది.. హారర్ కామెడీ థ్రిల్లర్ ఎలా ఉంది?
అంజలి కీలక పాత్రలో నటించిన హారర్ కామెడీ థ్రిల్లర్ ‘గీతాంజలి మళ్ళీ వచ్చింది’ ప్రేక్షకులను మెప్పించిందా? -
రివ్యూ: లవ్గురు.. విజయ్ ఆంటోనీ మూవీ ఎలా ఉంది?
Love Guru Review: విజయ్ ఆంటోని, మృణాళిని రవి కీలక పాత్రల్లో నటించిన న్యూఏజ్ ఫ్యామిలీడ్రామా మెప్పించిందా? -
రివ్యూ: మైదాన్.. అజయ్ దేవ్గణ్ కీలక పాత్రలో నటించిన స్పోర్ట్స్ డ్రామా మెప్పించిందా?
భారత ఫుట్బాల్ కోచ్ అబ్దుల్ సయ్యద్ రహీం జీవిత చరిత్ర ఆధారంగా రూపొందిన ‘మైదాన్’ మూవీ ఎలా ఉంది? -
రివ్యూ: ప్రాజెక్ట్-Z.. సందీప్ కిషన్, లావణ్య త్రిపాఠి సైన్స్ ఫిక్షన్ థ్రిల్లర్ ఎలా ఉంది?
Project Z Movie Review: ఏడేళ్ల కిందట తమిళంలో విడుదలై తాజాగా తెలుగు ప్రేక్షకుల ముందుకు వచ్చిన ‘ప్రాజెక్ట్-Z’ ప్రేక్షకులను మెప్పించిందా? -
రివ్యూ: మంజుమ్మల్ బాయ్స్.. మలయాళ సూపర్హిట్ తెలుగులో ఎలా ఉంది?
మలయాళంలో రూ.200 కోట్లకు పైగా వసూళ్లు సాధించి రికార్డు సృష్టించిన ‘మంజుమ్మల్ బాయ్స్’ మూవీ తెలుగు ప్రేక్షకులకు నచ్చుతుందా? -
రివ్యూ: ఫ్యామిలీస్టార్.. విజయ్ దేవరకొండ ఖాతాలో హిట్ పడిందా?
Family Star Review: విజయ్ దేవరకొండ, మృణాళ్ ఠాకూర్ కీలక పాత్రల్లో నటించిన ‘ఫ్యామిలీస్టార్’ ఎలా ఉందంటే? -
రివ్యూ: టిల్లు స్క్వేర్.. సిద్ధు, అనుపమ జోడీ మేజిక్ చేసిందా?
Tillu Square Review: సిద్ధు జొన్నలగడ్డ, అనుపమ పరమేశ్వర్ జంటగా నటించిన రొమాంటిక్ క్రైమ్ కామెడీ మెప్పించిందా? -
రివ్యూ: ఆడుజీవితం: ది గోట్లైఫ్.. పృథ్వీరాజ్ సుకుమారన్ సర్వైవల్ థ్రిల్లర్ ఎలా ఉంది?
మలయాళ నటుడు పృథ్వీరాజ్ సుకుమారన్, అమలాపాల్ కీలకపాత్రల్లో బ్లెస్సీ తీసిన ‘ఆడు జీవితం’ తెలుగు ప్రేక్షకులను మెప్పించిందా? -
Om Bhim Bush Review; రివ్యూ: ఓం భీమ్ బుష్.. కామెడీ ఎంటర్టైనర్ అలరించిందా?
om bhim bush review: శ్రీ విష్ణు, ప్రియదర్శి, రాహుల్ రామకృష్ణ కీలక పాత్రల్లో నటించిన ‘ఓం భీమ్ బుష్’ ఎలా ఉందంటే? -
ThulasiVanam Review: రివ్యూ: తులసీవనం: మిడిల్క్లాస్ కుర్రాడి బయోపిక్
ఓటీటీ ‘ఈటీవీ విన్’లో విడుదలైన ‘తులసీవనం’ వెబ్సిరీస్ ఎలా ఉందంటే? -
Abraham Ozler review: రివ్యూ: అబ్రహాం ఓజ్లర్.. మలయాళ క్రైమ్ థ్రిల్లర్ ఎలా ఉంది?
Abraham Ozler review: జయరామ్, మమ్ముట్టి కీలక పాత్రల్లో నటించిన ‘అబ్రహాం ఓజ్లర్’ ఎలా ఉందంటే? -
Save The Tigers 2 Review: రివ్యూ: సేవ్ ది టైగర్స్ సీజన్ 2.. నవ్వులు రిపీట్ అయ్యాయా?
ప్రియదర్శి, అభినవ్ గోమఠం, చైతన్య కృష్ణ ప్రధాన పాత్రల్లో నటించిన వెబ్సిరీస్ ‘సేవ్ ది టైగర్స్ 2’. ఓటీటీ ‘డిస్నీ+ హాట్స్టార్’లో విడుదలైన ఈ సిరీస్ ఎలా ఉందంటే? -
Sharathulu Varthisthai Review: రివ్యూ: షరతులు వర్తిస్తాయి.. సినిమా ఎలా ఉందంటే?
Sharathulu Varthisthai Review: చైతన్యరావు కీలక పాత్రలో నటించిన ‘షరతులు వర్తిస్తాయి’ మూవీ మెప్పించిందా?
తాజా వార్తలు (Latest News)
-
టీ20 ప్రపంచకప్నకు టీమ్ ఇండియాను మీరే ఎంపిక చేయండి!
-
సరిహద్దు దాటిన మానవత్వం.. భారతీయుడి దానంతో పాక్ యువతికి కొత్త జీవితం
-
టీ20 వరల్డ్ కప్.. ‘‘ధోనీ వైల్డ్ కార్డ్ ఎంట్రీ ఇస్తే బాగుంటుంది’’
-
నేటి రాశి ఫలాలు.. 12 రాశుల ఫలితాలు ఇలా... (25/04/24)
-
ఎన్నికల బరిలో ‘పొలిమేర’ నటి..
-
శిక్షణ నుంచి తప్పించుకున్న గుర్రాలు.. లండన్ వీధుల్లో హల్చల్!